FEHUʻI 17
ʻE lava fēfē ke tokoni ʻa e Tohi Tapú ki ho fāmilí?
NGAAHI HUSEPĀNITI/NGAAHI TAMAI
“ʻI he founga tatau, ʻoku totonu ki he ngaahi husepānití ke nau ʻofa ki honau ngaahi uaifí ʻo hangē ko honau sino ʻo kinautolú. Ko ha tangata ʻoku ʻofa ʻi hono uaifí ʻokú ne ʻofa ʻiate ia tonu, he ʻoku ʻikai ha tangata ʻe faifai ange peá ne fehiʻa ki hono sino pē ʻoʻoná, ka ʻokú ne fafanga mo tauhi ia . . . Kuo pau ki he tokotaha taki taha ʻo kimoutolu ke ne ʻofa ki hono uaifí ʻo hangē pē ko ʻene ʻofa ʻiate iá.”
“Ko e ngaahi tamaí, ʻoua ʻe fakaʻitaʻi hoʻomou fānaú, kae hokohoko atu hono ʻohake kinautolú ʻi he akonaki mo e enginaki ʻa Sihová.”
NGAAHI UAIFI
“ʻOku totonu ki he uaifí ke ne fakaʻapaʻapa loloto ki hono husepānití.”
“Ko kimoutolu ngaahi uaifi, mou anganofo ki homou ngaahi husepānití, he ʻoku taau ia ʻi he vakai mai ʻa e ʻEikí.”
FĀNAU
“ʻA e fānau, mou talangofua ki hoʻomou mātuʻá ʻi ha founga ʻoku leleiʻia ai ʻa e ʻEikí, he ʻoku totonu eni. ‘Fakaʻapaʻapa ki hoʻo tamaí mo hoʻo faʻeé’ ko e ʻuluaki fekau ia ʻoku ʻi ai hano talaʻofá: ‘Koeʻuhi ke hoko ʻo lelei ia kiate koe pea ke ke nofo fuoloa ai pē ʻi he māmaní.’”
“Ko kimoutolu fānau, mou talangofua ki hoʻomou mātuʻá ʻi he meʻa kotoa pē, he ʻoku fakahōifua eni ki he ʻEikí.”