FEHUʻI 18
ʻE lava fēfē ke ke ʻunuʻunu ofi ki he ʻOtuá?
“ʻA koe ko e Tokotaha-Fanongo ki he lotú, ʻe ʻalu atu kiate koe ʻa e ngaahi faʻahinga kakai kotoa.”
“Falala kia Sihova ʻaki ho lotó kotoa, pea ʻoua naʻá ke falala ki hoʻo mahino pē ʻaʻaú. ʻI he kotoa ho ngaahi ʻalungá, tokanga kiate ia, pea te ne fakatonutonu ho ngaahi halá.”
“Ko ʻeni ia ʻe maʻu ai ʻa e moʻui taʻengatá, ko ʻenau hoko ʻo ʻiloʻi koe, ko e ʻOtua moʻoni pē taha, pea mo e tokotaha ko ia naʻá ke fekau maí, ʻa Sīsū Kalaisi.”
“Ko hono moʻoní, [ko e ʻOtuá] ʻoku ʻikai te ne mamaʻo mei ha taha ʻo kitautolu.”
“Ko e meʻa eni ʻoku ou lotu hokohoko ki aí, ke hoko hoʻomou ʻofá ʻo toe fakautuutu ange fakataha mo e ʻilo totonu pea mo e mahino kakato.”
“Kapau ʻoku ʻi ai ha taha ʻo kimoutolu ʻoku masiva ʻi he potó, tuku ke ne hanganaki kole ki he ʻOtuá, he ʻokú ne foaki nima-homo ki he faʻahinga kotoa ʻo ʻikai te ne ʻoatu mo e lau, pea ʻe foaki ia kiate ia.”
“ʻUnuʻunu ofi ki he ʻOtuá, pea te ne ʻunuʻunu ofi mai kiate kimoutolu. Fakamaʻa homou nimá, ʻa kimoutolu kau angahala, pea ʻai ke maʻa homou lotó, ʻa kimoutolu kau lotolotoua.”
“Ko e meʻa ʻeni ʻoku ʻuhinga ki ai ʻa e ʻofa ki he ʻOtuá, ko ʻetau tauhi ʻene ngaahi fekaú; pea ko ʻene ngaahi fekaú ʻoku ʻikai ke fakamafasia.”