“Kakai Fefiné—ʻOku Taau ke Fakaʻapaʻapaʻi”

Naʻe kau ha toko taha ako kolisi taʻu 17 ʻi ʻInitia ʻi ha feʻauhi lea ki he kakaí naʻe fokotuʻutuʻu ʻe heʻene ʻapiakó. Naʻá ne fili ke ngāueʻaki ko ʻene maʻuʻanga fakamatalá ʻa e kupu hokohoko ʻi he takafí ko e “Kakai Fefiné—ʻOku Taau ke Fakaʻapaʻapaʻi,” ʻi he ʻīsiu ʻo e Awake! (ʻĀ Hake!) ʻo Siulai 8, 1992.

Ko e kaveinga ʻo ʻene leá ko e “Kakai Fefiné—ʻOku Fakaʻapaʻapaʻi Kinautolu he ʻAhó Ni?” Ko e olá? “Naʻá ku ikuna ʻa e pale ʻuluaki ʻi he feʻauhí,” ko ʻene fakamatalá ia. “ʻOku ou saiʻia ke fakahaaʻi ʻa ʻeku houngaʻia loloto ki he ʻĀ Hake!” ko ʻene hokó atu ia. “ʻOku mātuʻaki tokoni lahi ia ki he toʻutupu hangē ko kimautolú koeʻuhí ʻokú ne hanganaki fakahinohinoʻi lelei kimautolu pea ʻalu fakataha mo e taimí. ʻOkú ne toe tokoniʻi kimautolu ke mau fekuki mo e ngaahi tenge ʻa e māmani ko ení.”

Kuó ke fiefia ʻi hono lau ʻa e ʻīsiu ko eni ʻo e ʻĀ Hake!? ʻOku tohi ia ki hono fakamaama ʻa e fāmilí fakakātoa, ʻo ʻikai ki he toʻutupú pē. Ko e makasini ko ení ʻoku hūhū loloto ia ʻo ne fakahaaʻi ʻa e ʻuhinga moʻoni ʻo e ngaahi meʻa ʻoku lolotonga hokó. ʻOku pulusi tuʻo ua ia he māhina ʻi he lea faka-Pilitāniá. ʻOua naʻá ke liʻaki ha ʻīsiu!