ʻOku Lava Ke Nau Fakafiemālieʻi ʻa e Faʻahinga Mamahí
Naʻe faitohi ha fefine ʻi Jalisco, Mekisikou, ki he ʻōfisi vaʻa ʻo e Kau Fakamoʻoni ʻa Sihova ʻi Mekisikoú. Naʻá ne kole: “Kātaki ʻo ʻomai kiate au ha ngaahi polosiua ʻI he Mate ha Taha ʻOkú Ke ʻOfa Ai. ʻOku ʻikai ko ha taha au ʻo e Kau Fakamoʻoni ʻa Sihová, ka ʻoku ou vahevahe atu ʻa hoʻomou ngaahi fakakaukau lahi.”
Naʻe fakamatalaʻi ʻe he tokotaha faitohí ʻa e ʻuhinga ʻo ʻene kolé, ʻo pehē: “ʻOku ou fiemaʻu ʻa e ngaahi polosiuá koeʻuhi ʻoku ou tui ʻe lelei ke ʻave kinautolu ki he kakai ʻe niʻihi ʻoku nau fakatau ʻi homau falekoloa matalaʻiʻakaú. ʻOku ou ʻuhingá ki he faʻahinga ʻoku nau omi ke fakatau ʻa e ngaahi pale fuopotopotó, pea ʻi he taimi ʻe niʻihi, ko e uaifi, fānau pe husepāniti kinautolu ʻo e pekiá. ʻOku ou ongoʻi ʻe lava ke tokoni lahi kia kinautolu ʻa e ngaahi polosiua ko ení.”
Mahalo pē ko koe pe ko ha taha ʻokú ke ʻiloʻi, te ne toe maʻu ʻa e fiemālie ʻi hono lau ʻa e polosiua peesi ʻe 32 ko ení. ʻOkú ne tali ʻa e ngaahi fehuʻi hangē ko ení: ʻE anga-fēfē ʻeku fekuki mo hoku loto-mamahí? ʻI he founga fē ʻoku malava ke tokoni ai ʻa e niʻihi kehé? Ko e hā ʻa e ʻamanaki ʻoku ʻi ai ki he faʻahinga kuo nau maté?
ʻE lava ke ke kole ha tatau ʻaki hono fakafonu ʻa e kūponi ʻoku ʻoatu fakataha hení ʻo meiliʻi ia ki he tuʻasila ʻoku hā ʻi he kūponí pe ki ha tuʻasila feʻungamālie ʻoku fakahokohoko ʻi he peesi 5 ʻo e makasini ko ení.
□ ʻI he ʻikai fakakounaʻí, ʻoku ou kole atu ha tatau ʻo e polosiua ʻI he Mate ha Taha ʻOkú Ke ʻOfa Ai.
□ Kātaki fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.