Ko e Hā e Taumuʻa ʻa e ʻOtuá Kiate Kitautolú?

◼ Ko ʻene taumuʻá ia ke tau moʻui pē ʻi ha taimi nounou ʻi he foʻi māmaní—ʻi he taʻu nai ʻe 70 ki he 80​—pea mate leva? Ko e taumuʻa ia ʻa e ʻOtuá ke ʻave ʻa e kakai leleí ke nau nofo ʻi hēvani? Ko e hā naʻe faʻu ai ʻe he ʻOtuá ʻa e foʻi māmaní? Naʻe ʻuhingá ke hoko ia ko ha ʻapi fakataimi pē maʻá e kakaí?

Ko e polosiua peesi ʻe 32 ko e Moʻui Fiefia ʻi he Mamani ʻo Taʻengata! ʻoku fakahaaʻi ai naʻe faʻu ʻe he ʻOtuá ʻa e foʻi māmaní ke hoko ko ha ʻapi taʻengata maʻá e faʻahinga ʻo e tangatá. Ko hotau foʻi māmaní naʻe faʻu ia koeʻuhi ke hoko ia ʻi hano tokangaekina totonu ko ha palataisi fakaʻofoʻofa. Ko e ongo konga ʻo e polosiuá “Ko e Hā ʻOku Mate ai ʻa e Tangata?” mo e “Ko e Hā ʻa e Mate?” ʻoku fakahaaʻi ai ʻa e meʻa naʻe hoko ʻo halá, pea ko e ongo konga “Kuo Foaki Mai ʻe Sihova ha Fakamoʻui” mo e “Naʻe Angafēfē Hono Fakahaofi Kitautolu mei he Angahala mo e Mate” ʻoku fakaeʻa ai ʻa e founga ʻe hoko ai ʻa e foʻi māmaní ko ha ʻapi palataisi fakaofo maʻá e faʻahinga ʻo e tangatá.

ʻOku maʻu ʻe he polosiuá ha ngaahi fakatātā laka hake ʻi he 75, pea mo e potutohi Fakatohitapu ʻe taha pe lahi ange ʻoku lisi fakataha mo e fakatātā taki taha. ʻOku tokonaki ʻe he ngaahi potutohi ko ʻení ha makatuʻunga ki ha fetalanoaʻaki fekauʻaki mo e ngaahi fakatātaá. Kapau ʻoku ʻi ai haʻo fānau, ʻe lava ke ke ngāueʻaki ʻa e ngaahi fakatātaá ke tokoniʻi kinautolu ke ako fekauʻaki mo e ngaahi taumuʻa ʻa e ʻOtuá.

Ke kole ki ha tatau, fakafonu pē ʻa e kūponi ko ení pea meiliʻi ia ki he tuʻasila ʻoku ʻoatú pe ki ha tuʻasila feʻungamālie ʻoku fakahokohoko ʻi he peesi 5 ʻo e makasiní ko ení.

□ ʻI he ʻikai fakakounaʻí, ʻoku ou kole atu ha tatau ʻo e polosiua Moʻui Fiefia ʻi he Mamani ʻo Taʻengata!

□ Kātaki fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.