Tataki ʻi he Taimi ʻo e Mamahí

◼ Naʻe mate ʻa e tamai ʻa ha fefine ʻi he taimi naʻá ne kei taʻu 12 pē aí. ʻI he ngaahi taʻu lahi ʻi he hili iá, naʻá ne fāinga ai ʻi he loto-moʻua mo e loto-mafasia. ʻI haʻane tohi ki he ʻōfisi vaʻa ʻo e Kau Fakamoʻoni ʻa Sihova ʻi Kānatá, naʻá ne fakamatala ai:

“Naʻe ʻikai te u maʻu ha fiemālie ka ʻi heʻeku toki lau ʻa e polosiua ʻI he Mate ha Taha ʻOkú Ke ʻOfa Ai pea naʻe tokoniʻi ai au ke u fakalakalaka ʻi he taimi ʻo e mamahí. ʻOku ou kei tangi pē ʻi heʻeku fakakaukau ki he lahi ʻo ʻeku ongoʻi e puli ʻa ʻeku tamaí. Ka ʻi he talu hono laú, fakalaulauloto, lotu mo tuku pē ke u tangi ʻi heʻeku lau ʻa e polosiuá mo e ngaahi konga Tohi Tapú, ʻoku ʻikai ai ke u kei mamahi ʻo hangē ko ia naʻe faʻa hoko kiate aú, pea ʻoku lava he taimí ni ke u maʻu ʻa e fakafiemālie ʻi he ngaahi talaʻofa ʻa e ʻOtuá.

“ʻOku ou tukulotoa ʻa e ngaahi lea mo e ngaahi konga Tohi Tapu ʻi he ngaahi peesi ʻo e polosiua ko ení, ʻi heʻenau hoko ko e meʻa ke ne fakanonga ʻa hoku loto-mamahí. ʻOku ou toe ongoʻi ʻoku kakato ʻeku moʻuí. ʻOku ou fakaongoongoleleiʻi ʻa e polosiuá ni ko e tataki lelei taha ia ʻi he taimi ʻo e mamahí.”

Kuo mate ha taha ʻokú ke ʻofa ai? ʻOkú ke kei mamahi? ʻOkú ke fiemaʻu ha tokoni ʻi he fekuki mo hoʻo mamahí? Ko e hā ʻa e ʻamanaki ki he maté ʻoku ʻomai ʻi he Tohi Tapú? Mahalo pē ko koe pe ko ha taha ʻokú ke ʻiloʻi te ne maʻu ʻa e fakafiemālie mei hono lau ʻa e polosiua peesi ʻe 32 ko e ʻI he Mate ha Taha ʻOkú Ke ʻOfa Ai. ʻE lava ke ke kole ha tatau ʻaki hono fakafonu ʻa e kūponi ʻoku ʻoatu hení pea meiliʻi ia ki he tuʻasila ʻoku fakahaaʻi ʻi he kūponí pe ki ha tuʻasila feʻungamālie ʻi he peesi 5 ʻo e makasini ko ení.

□ ʻI he ʻikai kounaʻí, ʻoku ou kole atu ha tatau ʻo e polosiua ʻoku hā hení.

□ Kātaki ʻo fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.