Naʻá Ne Ako Hangē ko Kinautolú

● Ko ha faʻē ʻi hono taʻu 30 tupú, ʻa ia ʻoku nofo mo hono husepānití mo e fānau ʻe toko tolu ʻi Kentucky, ʻAmelika, naʻá ne tohi, “Kuó u fiefia mo hoku fāmilí ʻi he meʻa kotoa pē kuo mau maʻu ʻa ia naʻe pulusi ʻe he Kau Fakamoʻoni ʻa Sihová.” Naʻá ne fakamatala: “Ko e meʻa ʻoku ou saiʻia taha ai ke ʻoange ki heʻeku fānaú Ko ʻEku Tohi ʻo e Ngaahi Talanoa Faka-Tohitapú,” peá ne toe pehē, “naʻá ku malava moʻoni ke ako hangē ko kinautolú.”

Ko e tohí ni ʻoku ʻi ai ʻa e fakatātā fakaʻofoʻofa pea kāpui ai ʻa e ngaahi meʻa naʻe hoko Fakatohitapu ʻi he fakahokohoko taimi totonú. Ko e fakatātaá: Ko e konga 2 ʻoku kau ai ʻa e ngaahi talanoa “Naʻe Pule ha Tuʻi Kovi ʻi ʻIsipite,” “Founga Naʻe Fakahaofi Ai ʻa e Pēpē ko Mōsesé,” “ʻUhinga Naʻe Hola Ai ʻa Mōsesé,” “Ko e ʻAlu ʻa Mōsese mo ʻĒlone kia Feló,” “Ko e Ngaahi Mala ʻe 10,” mo e “Ko e Kolosi ʻo Fou ʻi he Tahi Kulokulá.”

Ko e konga 6 ʻo e tohí, kuo fakakaveinga “Ko e Fāʻeleʻi ʻo Sīsuú ʻo Aʻu ki Heʻene Maté,” ʻoku ʻi ai ʻa e ngaahi talanoa ʻe niʻihi ʻoku felāveʻi mo e moʻui ʻa Sīsuú mei hono fāʻeleʻí ki heʻene maté. ʻOku kau ai eni “Naʻe Fāʻeleʻi ʻa Sīsū ʻi he Fale ki he Fanga Manú” mo e “Kau Tangata Naʻe Tataki ʻe ha Fetuʻu.” Ko e talanoa ki muí ʻoku fakahaaʻi ai ko e “kau tagata poto”—ko hono moʻoní ko e kau vavalo fetuʻu—naʻa nau “hu ki he fale” ke ʻaʻahi kia Sīsū, ʻikai ki he fale ʻo e fanga manú ʻa ia naʻe fāʻeleʻi aí. ʻI he falé naʻa nau “mamata ki he tamajii nae i he ene faʻe ko Mele.” Ko e kau tangatá ni naʻe fakatokanga ki ai ʻa e ʻOtuá ke ʻoua te nau toe foki kia Hēlota, ʻa ia naʻá ne kumi ke tāmateʻi ʻa Sīsuú. Ko e hā ʻoku totonu ke tala mai ʻe he meʻa ko iá kia kitautolu fekauʻaki mo e tokotaha naʻe tupu mei ai ʻa e fetuʻu naʻe laú?—Mātiu 2:1, 11, 12, PM.

Ko koe foki te ke ako fakataha mo hoʻo fānaú ʻi hoʻo lau ʻa e Ko ʻEku Tohi ʻo e Ngaahi Talanoa Faka-Tohitapú. ʻOku ʻi ai ʻa e talanoa ʻe 116 ʻoku lāulea ai ki he kakai mo e ngaahi meʻa naʻe hoko ʻi he Tohi Tapú. Ke maʻu ha tatau, fakafonu pea meiliʻi ʻa e kūponi ʻoku ʻoatu hení ki ha tuʻasila feʻungamālie ʻoku fakahokohoko ʻi he peesi 5 ʻo e makasini ko ení.

□ ʻI he ʻikai kounaʻí, ʻoku ou kole atu ha tatau ʻo e tohi ʻoku hā hení.

□ Kātaki ʻo fetuʻutaki mai kiate au fekauʻaki mo ha ako Tohi Tapu taʻetotongi ʻi ʻapi.