Naʻe Faʻu Ia ke Pehē?

Ko e Fuaʻi Manupuná

● Kuo ui ʻa e fuaʻi manupuná “ko ha kofukofu mana.” Ko e hā hono ʻuhingá?

Fakakaukau: Lolotonga ʻoku hā fefeka, ko e ngeʻesi fuaʻimoa ʻoku lahi ai e kalasiumé ʻoku lava ke ʻi ai e fanga kiʻi avaava aʻu ki he 8,000 ʻoku toki sio pē ki ai ʻi hono ngāueʻaki ha meʻa fakaʻata siemu. ʻOku fakaʻatā ʻe he fanga kiʻi avaava ko ení ke hū ki loto ʻa e ʻosikená pea ke hū ki tuʻa ʻa e kāponi taiʻokisaití​—ko ha fetongi mahuʻinga he ʻoku lava ke mānava ai ʻa e ʻuhiki ʻoku teʻeki ke fōfoaʻí. Neongo ia, ko e ngeʻesí mo e ʻū kili tuʻá ʻoku taʻofi ai ʻa e pekitīliá mei heʻene uesia ʻa e ʻuhiki ʻoku teʻeki ke fōfoaʻí. Ko e albumen​—ko ha meʻa hangē ha selí ia ʻoku lahi ai ʻa e vaí​—ʻo ʻai ai ke malava ʻa e fuá ʻo matuʻuaki ha meʻa ʻoku ongo fakaʻohovale.

ʻE saiʻia ʻa e kau fakatotoló ke faʻifaʻitaki ki he faʻunga ʻo e fuá ke fakatupu ai ha ngaahi meʻa ʻoku lelei ange ai e maluʻi mei he ongo fakaʻohovalé mo ha kofukofu manifi ʻa ia ʻe lava ke ne maluʻi ʻa e fuaʻiʻakaú mei he pekitīliá mo e palasaití. Kae kehe, “ko e faʻifaʻitakiʻi ʻo natulá ʻoku ʻikai ʻaupito ke faingofua,” ko e tohi ia ʻa Marianne Botta Diener ʻi he makasini Vivai. Ko e ngaahi feinga kuo aʻu ki aí, ko ʻene fakamatalá ia, kuo ʻikai lelei ia ki he ʻātakaí.

Ko e hā hoʻo fakakaukaú? Ko e “kofukofu mana” ko ení, ʻa e fuaʻi manupuná, ʻoku hokonoa mai? Pe naʻe faʻu ia ke pehē?

[Saati ʻi he peesi 16]

(Ki he fakamatala kakato, sio ki he tohí)

ʻI LOTO ʻI HA FOʻI FUA

Ngeʻesi

Meʻa engeenga

Laine matohi hinehina (meʻa ʻokú ne puke ʻa e meʻa engeengá)

Kili ʻi tuʻa

Kili ʻi loto

Meʻa ʻoku tupu aí (feituʻu ʻoku kamata ai e tupu ʻa e ʻuhikí)

Albumen manifi

Albumen matolu

Atā ki he ʻeá