Ko Fē Taimi ʻOku Totonu Ke Ke Kamata Akoʻi Ai ʻa Hoʻo Kiʻi Tamá?
● Naʻe tohi ʻe ha tangata ʻi Summerville, South Carolina, ʻAmelika ʻo pehē, kamata ʻi he feitama māhina tolu pē ʻa hono uaifí, naʻá ne faʻa tokoto ofi kiate ia ʻi he pō taki taha ʻo lau mei he tohi tokoni ako Tohi Tapu Ko ʻEku Tohi ʻo e Ngaahi Talanoa Faka-Tohitapú. “Hili hono fāʻeleʻi ʻema pēpē fefine, ko Bethiah,” ko e lau ia ʻa e tamaí, “naʻá ma hokohoko atu ʻi he founga-tuʻumaʻu tatau ko ení—ko e foʻi talanoa ʻe taha he pō, ʻo aʻu ki heʻema lau ʻo ʻosi tuʻo tolu ʻa e tohí.”
ʻOkú ne hoko atu: “ʻI he taimi naʻe meimei lava ai ke lea ʻa Bethiah, naʻá ne ʻosi malava ke ʻiloʻi ʻa e faʻahinga tokolahi ʻi he Tohi Tapú pea lava ke ne fakatātaaʻi ʻa e ngaahi talanoa Fakatohitapu lahi naʻe lāulea ki ai ʻi he tohí. Naʻá ne toe ako ke lau maʻuloto ʻa e ngaahi talanoa Fakatohitapu lahi.”
Ko e talanoa ʻe 116 ʻi he tohi fakatātā fakaʻofoʻofa, pulusi mata-lalahi ko ení ʻoku hā ia ʻi he fakahokohoko ʻa ia naʻe moʻui ai ʻa e faʻahinga tokolahi ʻi he Tohi Tapú, ʻo ʻoange ai ki he tokotaha lautohí ʻa e fakamaama ki he fakahokohoko taimi ʻi he Tohi Tapú. Kapau te ke saiʻia ke maʻu ʻa e tohi peesi ʻe 256 ko ení, fakafonu ʻa e kūponi ʻoku ʻoatu hení pea meiliʻi ia ki ha tuʻasila feʻungamālie ʻoku fakahokohoko ʻi he peesi 5 ʻo e makasini ko ení.
□ ʻI he ʻikai kounaʻí, ʻoku ou kole atu ha tatau ʻo e tohi ʻoku hā hení.
□ Kātaki ʻo fetuʻutaki mai kiate au fekauʻaki mo ha ako Tohi Tapu taʻetotongi ʻi ʻapi.