Talateu ki he Konga 2

Ko e hā naʻe ʻomai ai ʻe Sihova ha lōmaki ʻo ne fakaʻauha ʻa e māmaní ʻi he taimi ko iá? ʻI he konga ki muʻa ʻo e hisitōlia ʻo e tangatá, naʻe kamata ai ha tau​—ko e tau ʻi he vahaʻa ʻo e leleí mo e koví. Ko e faʻahinga ʻe niʻihi, hangē ko ʻĀtama, ʻIvi, mo hona foha ko Keiní, naʻa nau fili ʻa e faʻahi koví. Ko ha niʻihi, hangē ko ʻĒpeli mo Noá, naʻa nau fili ʻa e faʻahi leleí. Ko e tokolahi taha ʻo e kakaí naʻa nau hoko ʻo kovi ʻaupito ʻo ʻomai ai ʻe Sihova ha ngataʻanga ki he māmani fulikivanu ko iá. ʻE tokoniʻi kitautolu ʻe he konga ko ení ke tau ʻilo ʻoku sio mai ʻa Sihova ki he faʻahi ʻoku tau filí pea heʻikai ʻaupito te ne fakaʻatā ʻa e koví ke ne ikunaʻi ʻa e leleí.