Angahala
Ko e hā ʻa e angahala, pea ko e hā ʻokú ne uesia ai kitautolu kotoá?
ʻOku anga-fēfē hono fakapapauʻi mai ʻi he Tohi Tapú ʻe lava ke tau faitau mo hotau ngaahi hehema angahalaʻiá?
Talanoa Fakatohitapu mahuʻinga:
2 Sām. 11:2-5, 14, 15, 26, 27; 12:1-13—ʻOku fakahoko ʻe Tuʻi Tēvita ha ngaahi angahala mafatukituki, fehangahangai mo ha akonaki mālohi, pea ʻokú ne feinga lahi ke fakatonutonu hono ngaahi ʻalungá
Loma 7:15-24—Ko e ʻapositolo ko Paulá, ko ha faʻifaʻitakiʻanga lelei ʻaupito ʻo e tuí mo e anga-līʻoa fakaʻotuá, ʻokú ne fakamatalaʻi ʻene fāinga mo ʻene ngaahi hehema angahalaʻiá
ʻOku anga-fēfē hono fakatupunga ʻe he taʻeʻiló mo e kākaá ʻa e kakai tokolahi ke nau faiangahala?
Ngā. 3:17; 17:29, 30; 1 Tīm. 1:13; 1 Pita 1:14
Sio foki ki he Nōm. 15:27-29
Ko e hā ʻoku mātuʻaki mafatukituki ai ʻa hono tōʻongaʻaki ʻiloʻilo pau ha angahala?
Hep. 10:26, 27; 1 Sio. 3:4, 8, 9
Sio foki ki he Nōm. 15:30; Loma 1:28-32; 1 Tīm. 5:20
Ko e hā ʻe ngāueʻaki nai ʻe Sētane ke fakataueleʻi ʻa e kau sevāniti ʻa e ʻOtuá ke faiangahalá?
Pal. 1:10, 11, 15; Māt. 5:28; Sēm. 1:14, 15
Talanoa Fakatohitapu mahuʻinga:
Sēn. 3:1-6—ʻI he lea ʻa Sētane fakafou ʻi ha ngatá, ʻokú ne fakataueleʻi ʻa ʻIvi ʻaki hono ngāueʻaki ʻene ngaahi holi siokitá pea ʻaki hono fakavaivaiʻi ʻene falala pau kia Sihová
Pal. 7:6-10, 21-23—ʻOku fakamatala ʻa Tuʻi Solomone fekauʻaki mo ha talavou ʻokú ne tō ʻi he fakatauele ʻa ha fefine ʻulungaanga taʻetaau koeʻuhi ko e ʻikai ke ne maʻu ʻa e fakakaukau leleí
ʻE lava fēfē ke tau talitekeʻi ʻa e ngaahi ʻahiʻahi ʻa Sētané?
ʻEf. 4:27; 6:10-18; Sēm. 4:7, 8
Talanoa Fakatohitapu mahuʻinga:
Pal. 5:1-14—ʻOku ʻomai ʻe Tuʻi Solomone ʻa e faleʻi fakamānavaʻi fakaetamai ki he ʻuhinga mo e founga ke fakaʻehiʻehi ai mei he fakatauele ke fai ha ʻulungaanga taʻetāú
Māt. 4:1-11—ʻOku fokotuʻu ʻe Sīsū ha faʻifaʻitakiʻanga haohaoa ki hono talitekeʻi ʻa e ngaahi fakatauele olopoto ʻa Sētané ʻaki ʻa e falala ki he Folofola ʻa e ʻOtuá
Ko e hā ha fakatātā ʻe niʻihi ʻo e ngaahi angahala mamafa kuo pau ke fakaʻehiʻehi mei ai ʻa e kau Kalisitiané?
Sio ki he “Tōʻonga Hala”
Vete ʻo e ngaahi angahalá
Ko e hā ʻoku ʻikai totonu ai ke tau feinga ke fufū ʻetau ngaahi angahalá?
Ko hai kuo pau ke tau vete ki ai ʻa e angahala kotoa pē?
Ko hai ʻokú ne hoko ko ha “tokotaha tokoni” ʻaki ʻene fai ha fakalaloa maʻa kitautolu ʻi he ʻao ʻo Sihová?
ʻE lava ke fakahaaʻi ʻe ha tokotaha faiangahala ʻene fakatomalá fakafou ʻi heʻene ngaahi ngāué?
Sio foki ki he “Fakatomala”
Talanoa Fakatohitapu mahuʻinga:
ʻEki. 22:1-12—ʻI he malumalu ʻo e Lao ʻa Mōsesé, naʻe fiemaʻu ki ha tokotaha kaihaʻa ke ne fai ha totongi huhuʻi ki he kau maʻukoviá koeʻuhi ko e meʻa naʻá ne kaihaʻasí
Luke 19:8, 9—Ko e pule tānaki tukuhau ko Sākeasí ʻokú ne fakahāhā ʻene fakatomalá ʻaki hono liliu hono ngaahi ʻalungá pea fai ʻa e totongi fakafoki ki he faʻahinga naʻá ne faihala ki aí
Ko e hā ʻe lava ke tau falala pau ai ki he fakamolemole ʻa Sihová?
Sio ki he “Fakamolemole”
Ko e hā ʻa e fokotuʻutuʻu kuo fai ʻe Sihova ke ne tokoniʻi mo maluʻi ʻa e fakatahaʻangá ʻi hono fakahoko ʻe ha taha ha angahala mamafa?
Sio foki ki he Ngā. 20:28; Kal. 6:1
ʻE anga-fēfē nai hano uesia ʻe ha angahala mamafa ʻa e niʻihi kehe ʻi hotau fāmilí pe ʻi he fakatahaʻangá?
Sio foki ki he Teu. 29:18
Talanoa Fakatohitapu mahuʻinga:
Sios. 7:1-13, 20-26—ʻOku ʻomai ʻe ʻĀkani ʻa e fakatamaki ki he kau ʻIsilelí kotoa ʻaki ʻene fakahoko ha angahala mamafa pea feinga ke fufū iá
Siona 1:1-16—Koeʻuhi ko e angatuʻu ʻa e palōfita ko Sioná kia Sihová, ʻokú ne tuku ai ke ʻi he tuʻunga fakatuʻutāmaki ʻa e moʻui ʻa e faʻahinga kotoa naʻa nau ʻi he vaká fakataha mo ia
1 Kol. 5:1-7—ʻOku fakaeʻa ʻe he ʻapositolo ko Paulá ha angahala mamafa ʻi Kolinitō ʻa ia ʻoku fakatupu maumau ki he fakatahaʻangá kotoa
Ko e hā ʻoku totonu ke ʻoua ʻe taʻofi ai kitautolu ʻe he manavahē ki he akonakí mei he kumi tokoni ki he kau mātuʻá?
Ko e hā ʻoku totonu ke tau tali ai ʻa e fakamolemole ʻa e ʻOtuá kae ʻoua ʻe mamahi taʻetuku ʻi ha faihala ʻi he kuohilí?
Sio ki he “Fakamolemole”
Kapau ʻoku tau lāuʻilo ki ha angahala mamafa, ko e hā ʻoku totonu ai ke tau fakapapauʻi ʻoku fakahaaʻi ʻe he tokotaha faihalá ʻa e meʻa ko iá ki he kau mātuʻa ʻi he fakatahaʻangá?
Talanoa Fakatohitapu mahuʻinga:
Teu. 13:6-9; 21:18-20—ʻI he Lao ʻa Mōsesé ʻoku fiemaʻu ai ki ha taha ke ne līpooti ʻa e angahala mamafá ʻo tatau ai pē pe ko ha mēmipa ʻo e fāmilí pe taha ʻofeina