Mathumiselo nya gibhukwana gegi

Omu nya dzipajina dzi landreyago, u na mana lowo nya litshigu ni litshigu ni mitshamuselo yakone. Ambari olu lowo ni mitshamuselo yakone si nga hevbudwago ni yevbi tepo, nya vangi va ngu si wona na si phasa gu hevbula ni dzimindru. Khu ndziya yoyo, va ngu mana tepo nyo dundrugeye khesi va si hevbudego lidambo latshavbo. Gu hevbula lowo kha nga ndranga si ngu phasa ngudzu. Dzindranga dza Bheteli mafuni gwatshavbo dza gu hevbula ni dzimindru na dzi gu vbweta gu matabhixari.

Mitshamuselo nya milowo yoyo yi dusidwe omu nya dzindrima nya Mukhedziseyi (w) dzi khugeyago khu Abril nya 2021 kala Março nya 2022. Dzinumeri nyo pheye dzi gomogo khu hwane nya mwaga ni ngima nya Mukhedziseyi wowo, dza gu yeyedza pajina mwendro dzipajina nya Mukhedziseyi wowo; edzi nya wuvili dza gu yeyedza dzindrimana edzi mahungu yoyo ma dusidwego umo. (Wona giyeyedzo gyakone vbavbatshi vbavba.) Mambe mahungu ma yelanago ni aya ma tshamusedwago u nga ma mana omu nya ndrima yakone.