Ganeya na wu tiyide

Ginani Jesu a nga gira?

VHIDHYU: Jesu a ninga wusingalagadzi lidzaha nyo ghanye

1.Sistiri VHIDHYU mwendro leri Marko 10:17-22. Khavbovbo bhulani khu siwudziso si landreyago:

1. Makhalelo muni nya yadi Jesu a ma wonidego ga lidzaha lile?

2. Khu ginani si lombidego gu Jesu a yeyedza lihaladzo ni gu ganeya na tiyide gasi gu ninga wusingalagadzi mwama wule?

Ginani hi gi hevbulago khu Jesu?

2. Gasi gu phasa sihevbuli sathu gu dandra khu liphuvboni hi yede gu ganeya khu ndziya nya lihaladzo, ganiolu na hi gu tiyide gambe.

Pimedzeya Jesu

3. Phasa gihevbuli gyago gu dzi vegeya misuwo nya liphuvbo ni gu yi tadzisa.

1. Thumisa kwadru yi gu khiyo “zama gu gira esi” yi gomogo avba nya gihevbulo ni gihevbulo nya libhuku Vbanya nu tsakide kala gupindruga!

2. Phasa gihevbuli gyago gu tugula dzindziya gi yedego gu dzilandreya gasi gu tadzisa misuwo nya yidugwana ni eyi nya yikhongolo.

3. Tepo yatshavbo zundza gihevbuli gyago khu gu dzigaradza gi gu girago gasi gu dandra khu liphuvboni.

4. Zama gu tugula sigaradzo si nga girago gu gihevbuli gyago gi si dandri khu liphuvboni u bwe u gi phasa gu si pala.

1. Dzi wudzise khuwe:

   • ‘Ginani gi himbedzeyago gihevbuli gyangu gu dandra khu liphuvboni kala gi bhabhatiswa?’

   • ‘Ginani nyi nga girago gasi gu gi phasa?’

2. Lomba Jehovha a gu ninga gu tiya hwambo gasi u ganeya khu lihaladzo tepo u ganeyago ni gihevbuli gyago khesi gi yedego gu gira.

5. Ema gu gimbidziseya gihevbulo nya Bhibhiliya muthu a si yeyedzigo gu tshunguhedza.

1. Gasi uti gu khuwe gihevbuli gyago gi ngu tshunguhedza dzi wudzise khuwe:

   • ‘Ina gihevbuli gyangu gi ngu thumisa esi gi si hevbulago womini gwagyo?’

   • ‘Ina gi ngu manega mitshanganoni ni gu hevbudza vambe esi gi hevbulago?’

   • ‘Hwane nya gu hevbule Bhibhiliya khu tepo nyo khaguri ina a ngu dzumeya gu khala moyo nya Dzifakazi dza Jehovha?’

2. Gya gu tshuka gihevbuli nya Bhihiliya gi si yeyedzi gu dandra khu liphuvboni:

   • Gi lombe gasi gi dundrugeya khu silo nyo khaguri si gi himbedzeyago gu dandra khu liphuvboni.

   • Gi tshamuseye gwadi gu khuwe khu ginani u emago gu hevbula nagyo.

   • Gi tshamuseye gwadi esi gi yedego gu gira gasi u pheledza gu hevbula nagyo.