U nga garadzegi

Jehovha paside sisiwana sa Israyeli wa gale. Khu dzevbini dzindziya nyo khaguri a dzi thumisago muhuno gasi gu phasa sithumi saye nya sisiwana?

• Uye a va hevbudzide gu manega ni mawonelo nya yadi khu dzitsapawu. — Lu 12:15; 1Tm 6:6-8

• Uye a va phaside gu va dzi ninga githawo. — Job 34:19

• Uye a va hevbudzide gu thuma khu gu dzigaradza ni gu potsa silo si nga hadzi va gireya dzimhango. — Mav 14:23; 20:1; 2Ko 7:1

• Uye a va ranide gasi va ta gira gipandre nya wundruyi nya Wukristo. — Joh 13:35; 1Jo 3:17, 18

• Uye a va ningide gutumba. — Ndz 9:18; Isa 65:21-23

Gani hi ngu emisana ni makhalelo muni mwendro sigaradzo nya gu vbohe hayini kha hi yeli gu garadzega. (Isa 30:15) Jehovha a na khataleya esi hi si vbwetago ha gu simama gu vega Mufumo waye kha nga gilo nyo pheye womini wathu. Mt 6:31-33.

YEYEDZA VHIDHIYU LIHALADZO GIMA KHA LI VBEYI . . . AMBARI WO BA U RI WUSIWANANI — CONGO, KHU GU LANDREYA GIRA SIWUDZISO SESI:

• 

  Vandriyathu va vbanyago vbafuvbi ni omu gu giredwago dzikongresu va gu yeyedza kharini wuwadi khu vandriyathu va endrago gasi guya wona dzikongresu?

• 

  Ginani egi vhidhiyu yeyi yi hevbudzago khu lihaladzo la Jehovha khu sisiwana?

• 

  Gani singi gani sidugwana hi gu naso hi nga pimedzeya kharini Jehovha?