Jesu “hevbulede gu engisa”

Jesu tepo yatshavbo a di gu engisa Jehovha. (Joh. 8:29) Ganiolu, khu ginani Bhibhiliya yi ganeyago gu khiyo: “Uye hevbulede gu engisa khu gutshaniseka a gu vbanyidego?” — Hebh. 5:8.

Tepo a nga ba a romo mafuni, Jesu emisanide ni siemo a nga ne emisana naso ndzadzini. Khu giyeyedzo, vavelegi vaye va di gu haladza Jehovha, ganiolu kha va nga ba va vbelede. (Luka 2:51) Uye pharidwe khu ndziya nya mba yadi khu vathangeyi nya wukhongeyi ni dzipfhumu. (Mat. 26:59; Marko 15:15) Gu diga isoso, uye songidwe khu ndziya nya xapi ngudzu. Ganiolu, Bhibhiliya yari khiyo: “Uye a di dzi nogisa a engisa kala a yafa.” — Filp. 2:8.

Khu kharato, Jesu a di hevbula gu engisa khu yimbe ndziya tepo a nga ba a romo mafuni. Khu ndziya yoyo, uye a di hadzi gu khala Pfhumu ni Muprista nya Khongolo nya wadi ni muthu a nga hadzi gu hi pwisisa gwadi. (Hebh. 4:15; 5:9) Jehovha a engedzede gu ninga lisima Jesu hwane nya gu ba a hevbulede gu engisa ambari na emisana ni sigaradzo nya singi. Anethu hi nga khala vathu nya lisima ngudzu ga Jehovha ni gu si kodza gu gira ni wevbini thumo a hi ningago, ha gu simama gu mu engisa ambari ha gu emisana ni siemo nyo garadze. — Jak. 1:4.