Wa gu yi wona kharini Bhibhiliya?
Wa gu yi wona kha nga . . .
livru yi ganeyago khu guti nya vathu?
livru nya dzikaringane ni matimo ya gale?
mwendro Lito la Nungungulu?
NGA WONA ESI BHIBHILIYA YI SI GANEYAGO
“Milowo yatshavbo nya Guage yi lovidwe khu tshivba ya Nungungulu.” — 2 Thimoti 3:16.
GUTI ISOSO GU NGA GU PHASA KHARINI?
Gu na gu ninga mihlamulo nya gutsakise nya siwudziso nya sikhongolo nya guvbanye. — Mavingu 2:1-5.
Gu na gu thangeya khu ndziya nya gutumbege womini wago wa tshigu ni tshigu. — Ndzimo 119:105.
Gu na gu ninga gutumba nya lisine khu mindru wa tshigu. — Varoma 15:4.
HI NGA SI KHODWA FURI ESI BHIBHILIYA YI SI GANEYAGO?
Ina, Khu sighelo siraru:
Yi ngu hlamadzisa ngudzu kholu kha yi dzi ganedzi ne vbadugwana. Bhibhiliya yi lovidwe khu gipimo nya 1600 nya myaga khu tanga nya 40 nya vathu nya guhambanehambane. Nyavangi vakona gima kha va tivana. Ambari ulolo, livru yoyo yatshavbo kha yi dzi ganedzi. Ya gu ganeya khu hungo moyo nya mahungu!
Yi na ni matimo nya gutumbege. Valovi nya matimo va vbavbandze nya Bhibhiliya va ngu tala gu siha gupadwa nya mayigo yawe. Ganiolu valovi nya Bhibhiliya va lovide sihoso sawe ni sihoso nya mayigo yawe. — 2 Dzikoronika 36:15, 16; Dzindzimo 51:1-4.
Yi na ni siprofeto nya gutumbege. Bhibhiliya yi ganede khu gukhungumudwa nya lidhoropa la gale la Bhabhiloni na gu nga tshade 200 nya myaga. (Isaya 13:17-22) Iyo yi ganede khu gufuviswa ga Bhabhiloni ni lina la oyu a nga thangeya gukhungumudwa gogo! — Isaya 45:1-3.
Omu nya Bhibhiliya somo simbe siprofeto nya singi si nga tadzisega nya mba tshiya gukanakana. Khandriso isoso hwi si vireyago khu Lito la Nungungulu? — 2 Pedro 1:21.
NGA DUNDRUGEYA
Lito la Nungungulu li nga tshukwadzisa kharini guvbanya gwago?
Bhibhiliya yi ngu hlamula giwudziso gegi omu ga ISAYA 48:17, 18 ni 2 THIMOTI 3:16, 17.