GIHEVBULO 20

Masegelo nya yadi

Muhevbudzi 12:13, 14

ESI U YEDEGO GU GIRA: Ga malito yago nyo hegise, kutsa vaengiseyi vago gu dzumeya ni gu thumisa esi va si hevbudego.

Pwananisa malito yago nyo hegise ni mahungu yatshavbo u ganedego khayo. Wuyedzeya mwendro pheledza gu ganeya matshina nya gisekelo.
Kutsa vaengiseyi vago. Yeyedza vaengiseyi vago esi va yedego gu gira, ni sighelo nyo pwale nya gu va gira isoso. Ganeya khu ndziya yi yeyedzago gu khiyo u ngu si khodwa khu lisine esi u ganeyago nigu si na ni lisima.
Malito yago nyo sege ma nga tali nigu ma na vbevbuge. U nga tshamuseyi matshina nya gisekelo nya maphya avba nya gipandre gegi. Khu gu thumisa malito nya madugwana ngudzu, va kutse gu gira gilogyo.

U nga segi khu gu tutuma, nigu u nga digi lito lago li lotomeya. Ganeya malito nyo hegise lito na li gu pwala gwadi.