HAGULEYA GUTSAKEYA
GIHEVBULO 8
Laphisa monyo
Litshina nya nayo: “Lihaladzo li na ni gulaphisa-monyo.” — 1 Kor. 13:4.
Ginani Jesu a nga gira?
1. Sistiri VHIDHYU, mwendro u leri Johane 7:3-5 ni 1 Vakorinto 15:3, 4, 7. Khavbovbo bhulani khu siwudziso si landreyago:
Vandriye va Jesu va di gu ma wona kharini mahungu yaye gupheyani?
Ginani gi yeyedzago gu khigyo Jesu simamide gu phasa ndriyaye Jakobe?
Ginani hi gi hevbulago khu Jesu?
2. Gu vbwetega hi laphisa monyo kholu vathu nyo khaguri va ngu dzega tepo gasi gu dzumeya mahungu nya yadi.
Pimedzeya Jesu
3. Zama gu thumisa mambe mabelelo. Muthu nyo khaguri o mba dzumeya gihevbulo nya Bhibhiliya, u nga mu gurumedzi. Wa gu si wona na si khala, thumisa dzivhidhyu mwendro dzindrima gasi gu mu phasa gu pwisisa edzi gi thumago khidzo gihevbulo nya Bhibhiliya ni edzi gi nga mu phasago khidzo.
4. U nga fananisi, vathu va hambanide. A gu tshuka nongo wago mwendro mumbe muthu u mu endreyago a si dzumeyi gihevbulo nya Bhibhiliya mwendro sihevbudzo nya Bhibhiliya, zama gu pwisisa gighelo gyakone. Ina gu nani gilo nya wukhongeyi waye a gi khodwago a gi wonago na giri ni lisima gwaye? Ina o kutsedzedwa khu valongo vaye mwendro vavhizinyu? Mu ninge tepo gasi a dundrugeya khesi u nga ganeya ni gu pwisisa lisima nya esi Bhibhiliya yi hevbudzago.
5. Gombeya khu muthu a yeyedzidego gutsakeya. Lomba Jehovha a gu phasa gu simama ni mawonelo nya yadi ni githawo. Lomba guti ga Jehovha gasi uti gu khuwe lini u yedego gu ema gu hevbula ni muthu a gu mba yeyedza gutsakeya. — 1 Kor. 9:26.