HAGULEYA GUTSAKEYA
GIHEVBULO 9
Pweya-wusiwana
Litshina nya nayo: “Tsakani ni ava va tsakago; mu liya ni ava va liyago.” — Rom. 12:15.
Ginani Jesu a nga gira?
1. Sistiri VIDHYU, mwendro u leri Marko 6:30-34. Khavbovbo bhulani khu siwudziso si landreyago:
Khu ginani Jesu ni vapostoli vaye “va nga ba va vbweta gu khala vonga”?
Ginani gi kutsidego Jesu gu hevbudza gitshungu?
Ginani hi gi hevbulago khu Jesu?
2. Ha gu ba hi ri ni pweya wusiwana, hi na khathala khu vathu nasiri khu mahungo yathu basi.
Pimedzeya Jesu
3. Engiseya gwadi. Mu dige a ganeya edzi a dzi pwago khidzo. U nga mu piyi, vega gupima avba nya gudzipwe gwaye ni gugaradzega gwaye. Wa gu mu engiseya gwadi, a na pwisisa gu khuye u ngu khathala khesi a si pimisago.
4. Dundrugeya khu muthu a yeyedzidego gutsakeya. Na wu gu dundrugeya khu mabhulo mu manegidego nawo, dzi wudzise khuwe:
‘Khu ginani a vbwetago gupwa mahungu nya yadi?’
‘Gihevbulo nya Bhibhiliya gi nga tshukwadzisa kharini womi waye olu ni mindru wa tshigu?’
5. Thumisa mahungu ma pwananago ni giemo gyaye. Nya mba dzega tepo, mu yeyedze edzi gihevbulo nya Bhibhiliya gi nga hlamulago khidzo siwudziso saye ni edzi gi nga mu phasago khidzo.