Ina u ngu thumisa gwadi dziaudhyu nya gulerwi nya Bhibhiliya?

Ginani dziaudhyu nya gulerwi nya Bhibhiliya? Iyo gravasawu nya gulerwi nya Bhibhiliya nya Tradução do novo Mundo. Iyo ya gu duswa vbadugwana-vbadugwana khu malimi nya mangi. Gimwegyo nya silo si phasago khu gu dziaudhyu nya gulerwi nya Bhibhiliya dza gu thumisa malito nya gu hambane ga vathu nya gu hambane-hambane va khumbugwago umo nya Bhibhiliya. Malito ma gu lerwi gwadi gasi hi pwisisa gwadi esi Bhibhiliya yi ganeyago.

Vathu nyo khaguri va gu phasega kharini khu gu engiseya dziaudhyu nya gulerwi nya Bhibhiliya? Nya vangi va engiseyago dziaudhyu nya gulerwi nya Bhibhiliya tshigu ni tshigu va ngu gola edzi Lito la Nungungulu li kuhago khidzo womi wawe. Avo vari khavo, khu gu ba va engiseya malito nyo hambane-hambane nya gulerwi nya Bhibhiliya avo va ngu si kodza gu dundrugeya gwadi matimo ma gomogo umo nya Bhibhiliya va bwe va pwisisa esi si lovidwego. (Mav 4:5) Nya vangi gambe, tepo va engiseyago dziaudhyu nya gulerwi nya Bhibhiliya va ngu mana gurula tepo va garadzegago. — Ndzi. 94:19.

Gu engiseya dziaudhyu nya gulerwi nya Lito la Nungungulu gu nga vbindrugedza womi wathu. (2Dzik 34:19-21) Abari gu dziaudhyu nya gulerwi nya Bhibhiliya dzomo dzatshavbo khu lidimi u li pwisisago gwadi, uwe u nga gira malulamiselo nya gu u dzi engiseya tshigu ni tshigu.

YEYEDZA VHIDHYU YI GU KHIYO: GU GRAVARWI NYA GULERWI NYA BHIBHILIYA — GIPANDRE, KHU GULANDREYA GIRA GIWUDZISO GEGI:

Ginani gi gu hlamadzisidego avbo nya vhidhyu yi yeyedzago gu gravarwi nya dziaudhyu nya gulerwi nya Bhibhiliya?