Silo si na gu phasago gu leri Bhibhiliya tshigu ni tshigu

Ina si ngu gu garadzeya gu leri Bhibhiliya tshigu ni tshigu khu kotani nya olu hi khalago na hi pharegide ngudzu? (Jos. 1:8) Abari gu ina, zama gu thumisa mawonelo yaya:

• Gira gilo gi na gu dundrugisago. Theya alarmi omu nya telefoni yago gasi yi gu dundrugisa ya gu vboha tepo nya gu leri Bhibhiliya.

• Vega Bhibhiliya yago ga wulanga si na gu vbevbugeyago gu yi wona. Wa gu ba u thumisa Bhibhiliya nyo ghandlwe, yi vegi ga wulanga si na gu vbevbugeyago gu yi wona. — Dhet. 11:18.

• Engiseya dziaudhyu nya gulerwi nya Bhibhiliya. Dzi engiseyi na wu gira mithumo yago nya litshigu ni litshigu. Ndriyathu Tara a gu piyonera ni mamayi a thumago wutshigu, a di khuye: “Gu engiseya awudhyu nya gulerwi nya Bhibhiliya na nyi gu gira mithumo ya ndrangani si ngu nyi phasa gu tadzisa longoloko wangu nya gu leri Bhibhiliya.”

• U nga digi gu timiseya. Wa gu mba si kodza gu leri Bhibhiliya khu tepo u nga yi vegisa, zama gu leri mavhesi nyo khaguri na wu si gu lali. Ambari wa gu leri mavhesi nya madugwana khu litshigu u na phasega khayo. — 1 Ped. 2:2.