Mawonelo Nya Gihevbulo

Ginani u yedego gupheya khigyo gu hevbula?

Hatshavbo hi ngu dzi vegeya tepo nyo khaguri gasi gu gira gihevbulo nya muthu enga. Hi nga yi londrola kharini tepo yoyo? Gupheya, londrola tepo u gu nayo gasi gu pwisisa esi u lerigo. U na phasega khu gu leri mahungu nya madugwana u na ma pwisisago, guvbindra gu leri mahungu nya mangi, ganiolu u si ma pwisisi.

Khu gu landreya, thangisa esi si gu na ni lisima. (Efes. 5:15, 16) Khu giyeyedzo:

Leri Bhibhiliya tshigu ni tshigu. (Ndzi. 1:2) Si na phasa ngudzu wa gu pheya gu leri sipimo hi hevbulago mitshanganoni ya vbakari nya semana, dzisemana dzatshavbo.
Dongiseya ndrima nya Mukhedziseyi mu na hevbulago guvbeyani nya semana yoyo. U bwe u zama gu hlamula mitshanganoni. — Ndzi. 22:22.
Ha gu lomba u zama gu leri ni gu wona gumbe guhodza gwa liphuvboni, nya nga Khendzugani!, dzivhidhiyu ni mambe mabhuku ma gomogo umo nya jw.org.
Gevesisa mahungu ma gu tsakisago. U nga gevesisa maningano ni gigaradzo u tshanganago nagyo, giwudziso u gu nagyo mwendro mahungu nyo khaguri nya Bhibhiliya u vbwetago gu ma pwisisa gwadi.