Mitshamuselo yi gomogo omu nya mabhukhu ma khumbugidwego omu nya Gibhukwana nya mitshangano nya thumo ni mavbanyelo
6-12 NYA MAIO
DZITHOMBA NYA LITO LA NUNGUNGULU | 2 VAKORINTO 4-6
“Hi nga swihali”
(2 Vakorinto 4:16) Khu guralo, kha hi garali. Ambari saye gi hagalago givili gyathu, hefemulo wathu, wa guya na wu gu wusedzwa nyaluphye khu litshigu ni litshigu.
w04-T 15/8 paj. 25, dzindri. 16-17
U nga swihali ambari wa gu garala
Khu lisine, khya lisima ngudzu gu dzi khathaleya khu liphuvboni. Ambari ha gu ba hiri dzipari dza vbafuvbi ngudzu ni Jehovha Nungunungulu, hi ngu tshuka hi garala khu nyamani, ganiolu wupari wathu naye kha wu garali. Jehovha “a gu ninga tshivba avo va rerekidego, ni gu phasedzela vale va gu mwalo tshivba.” (Isaya 40:28, 29) Mupostoli Pawulo, a gu moyo a pwisisidego tshamuselo nya malito yaya, lovide gu khuye: “Khu guralo, kha hi garali. Ambari saye gi hagalago givili gyathu, hefemulo wathu, wa guya na wu gu wusedzwa nyaluphye khu litshigu ni litshigu.” — 2 Vakorinto 4:16.
Wona malito ma gu khayo “litshigu ni litshigu.” Ma gu yeyedza gu khayo tshigu ni tshigu hi yede gu dzi buza khu malulamiselo hi giredwago khu Jehovha. Moyo nya misiyonariyo a thumidego khu gipimo nya 43 myaga, dzimbe dzitepo a di gu garala nyamani, ni gu bwe a vbeya tshivba. Ganiolu kha swihala thumoni gwaye. A di khuye: “Nyi di wona gu kheni tshukwana nyi heguleya gu wuga, gasi gu, na nyi nga si pheyi thumo, nyi pheya khu gu gira nimbelo ga Jehovha ni gu bwe nyi leri Lito laye. Esi si nyi phaside gu timiseya kala muhuno.” Anethu hi nga tumba tshivba nya gu vbanyise ya Jehovha ha gu gombeya gwaye hi bwe hi dundrugeya khu makhalelo yaye nyo khugege ni situmbiso saye “litshigu ni litshigu.”
(2 Vakorinto 4:17) Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.
it-3-T paj. 256
Gutimiseya
Ni gu gambe, khya lisima gu mba haganeya gu luza gutumba nya wuKristo, agu guvbanya nya mba vbeya omu nya giemo nya gu mba na gighoho. Ambari gufa madzani nya vawugeyi kha gu si kodzi gu fuvisa gutumba gogu. (Ro 5:4, 5; 1Tes 1:3; Gut 2:10) Gutshaniseka hi gu nago olu ga gu fananiswa ni gutadziseka nya gutumba gogu nya gukhongolo, kha gu mani gilo. (Ro 8:18-25) Na hi gu wona wumindru nyo pindruge, ni gwevbi gutshaniseka, ambari khu ga dzimbe dzitepo ga gu khondra, ugo gu ‘vbevbugide’ nigu khwa “gikhatinyana.” (2Ko 4:16-18) Ha gu dundrugeya khu silingo si gu sa gitipwana basi ni gu bwe hi phareleya avba nya gutumba nya wuKristo, si na hi phasa gasi hi si vbeledwi khu lipindru mwendro gu mba tumbega ga Jehovha Nungungulu.
(2 Vakorinto 4:18) Ethu kha hi vegi mapimo yathu ga silo nya guwonege, aholu ga esi nyamba wonega, kholu esi nya guwonege si na vbindra, esi esi nyamba wonega khya gupindruga.
Kemba dzithomba nya liphuvbo
(2 Vakorinto 4:7) Aholu ethu hi hakhidego thomba yeyi nya wuhigo hi sombo nya libumba, gasi gu wonegisa gupwani tshivba yeyi yatshavbo nya yikhongolo kha yi dugeli gwathu ya guta khu ga Nungungulu.
w12-T 1/2 dzipaji. 28-29
“Tsakisa Jehovha”
David Splane givbango nya Huwo nya Guthangeye ganede khu Lowo wowu wu nga ba wuri hungo nya mahungu. (2 Vakorinto 4:7) Ginani thomba? Thomba guti mwendro wugengeyi? Ndriyathu David a di hlamula gu khuye “Ahihi.” “Thomba yi nga ba yi thudwa khu mupostoli Pawulo i ‘thumo wowu’ nya gu ‘ganeye gikhathi gyatshavbo silo nya lisine.’” (2 Vakorinto 4:1, 2, 5) Ndriyathu Splane a di ndrundrugisa sihevbuli gu khuye livbandre migima va hevbudego, va di gu dongisedwa gasi va ya thuma mithumo nyo hathege thumoni nyo tshumayele. Mithumo yoyo gilo gi yedwago khu gu ningwa githawo.
Muganeyi a di tshamuseya gu khuye “sombo nya libumba” ga gu thudwa sivili sathu nya nyama. A yeyedzide guhambana gu gomogo avba nya sombo nyo girwe khu libumba nesi nyo girwe khu ndralama. Sombo nyo girwe khu ndralama kha si thumiswi tshigu ni tshigu. Ganiolu sombo nyo girwe khu libumba si giredwe gu thumiswa tshigu ni tshigu. Ha gu theya thomba omu nya sombo nyo girwe khu ndramala, hi na tshuka hi vega ngudzu gupima avba nya gyombo vbavbandze nya gu vege gupima avba nya thomba yi gomogo ndrani gakone. Ndriyathu Splane a di khuye: “Enu sihevbuli, mu nga vegi gupima avba nya enu vamune. Kha nga vamisiyonaryo, mu yede gu leleteya vathu ndziya nyo hongole ga Jehovha. Enu mu sombo nya libumba nyo dzi vege vbavbatshi.”
(2 Vakorinto 6:13) Eni nyi ngu mi lombani kha nga babe a lombago ga sanana saye, gukheni nyi tuleleni myonyo yanu, kha nga eni neni nyi mi tuledego wangu.
w09-T 15/11 paj. 21, ndri. 7
Simama gu dandra omu nya lihaladzo nya wundruye
Ethu ke? Hi nga ‘tulega’ kharini avba nya gu yeyedze lihaladzo nya wundruye? Si ngu vbevbugeya vathu va gu ni tanga mwendro tumbunugo wa wumoyo gu pwanana gwadi. Ni gu gambe, ava va golago gu vbungadza khu silo nyo fane va ngu vbedza tepo nya yingi na vari vatshavbo. Ganiolu abari gu edzi hi pwananago khidzo ni maKristo nyo khaguri si ngu hi hambanisa gu pwana ni vambe, hi yede gu khala vathu nyo ‘tulege.’ Gu na ba guri wugengeyi gu dzi wudzisa gu khethu: ‘Ina si ngu nyi garadzeya gu tshumayela mwendro gu vbungadza ni vadruye mwendro vandriye va si pategigo avba nya tsawa nya dzipari dzangu? Ina libandlani nyi ngu vegeya mivbingano avba nya vaphya khu gu kheni kala va khala dzipari dzangu nya lisine? Ina libandlani nyi ngu losa ava va dandridego khu tanga ni vathu-vaphya?’
13-19 NYA MAIO
DZITHOMBA NYA LITO LA NUNGUNGULU | 2 VAKORINTO 7-10
“Thumo wathu nyo phasedzeye omu gu dugeledego dzimhango”
(2 Vakorinto 8:1-3) Vandriyangu, nya gu vbweta gukheni muti wuhigo owu Nungungulu a nga girela Mabandla ya Makedhoniya. 2 Ambari va nga bani vari vbakari nya silingo ni gusaniseka, va vbanya khu wusiwana nya wukhongolo. Aholu, va di yeyedza gutsaka gwawe ni wuwadi wawe, va ningela esi nya wusiwana wawe khu matsenya. 3 Nyi ngu tiyisa gukheni, ava va ningede maningano ni gumanela gwawe ni guvbindra gambe gumanela gwawe. Avo vamune,
w98-T 1/11 paj. 25, ndri. 1
“Oyu a ningelago khu lihaladzo, a ngu tsakisa Nungungulu”
Gupheya, Pawulo a di ganeya ni vaKorinto maningano ni vaMakedhoniya ava va ningidego giyeyedzo nya gyadi nya gu phase vambe. Pawulo a di lova gu khuye: “Ambari va nga bani vari vbakari nya silingo ni gusaniseka, va vbanya khu wusiwana nya wukhongolo. Aholu, va di yeyedza gutsaka gwawe ni wuwadi wawe, va ningela esi nya wusiwana wawe khu matsenya.” Vamakedhoniya kha va nga ba va vbweta gu dundrugiswa. Pawulo a di bwe a lova gu khuye: “Va dita hi lomba wuhindzi nya guhengele navo thumo wowu nya guphasedzele.” Wuhidzi wa vaMakedhoniya wa gu engedzeya gu tshinga gwathu ha gu dundruga gu khethu avo navo va di gu “vbanya khu wusiwana nya wukhongolo.” — 2 Vakorinto 8:2-4.
kr-T paj. 209, ndri. 1
Thumo nyo phasedzeye omu gu dugeledego dzimhango
GU DIRI khu mwaga nya 46 Teponi yathu, vaJudha va di vetwa khu ndzala nya gikhongolo. Vapizane va Jesu va nga bari vaJudha va nga ba va vbanya eyi, va diri mwalo makodzelo nyo renge guhodza kholu gu di gu dhura ngudzu. Va di gu hadzi tshipa khu ndzala. Ganiolu Jehovha va phaside khu ndziya mweyo nya gu ne kha va nga ba va yi dundrugeya. Ginani gi nga girega?
(2 Vakorinto 8:4) “va dita hi lomba wuhindzi nya guhengele navo thumo wowu nya guphasedzele sihathwa.”
kr-T dzipaji. 209-210, dzindri. 4-6
Thumo nyo phasedzeye omu gu dugeledego dzimhango
Avba nya lidangaliya laye nya wuraru a nga li yisa ga vaKorinto, Pawulo a va tshamusede gu khuye maKristo ma na ni mithumo mivili. Ambari olu Pawulo a nga ba a yisa lidangaliya leli ga maKristo ma todzidwego, muhuno malito yaya ma ngu thuma ga maKristo nya “dzimbe dzinvuta” nugo. (Joh 10:16) Gimwegyo nya gipandre nya thumo wathu khigyo nya “thumo nya gutshanganise vambe,” a gu thumo wathu nya gutshumayele ni gu hevbudza. (2 Kor. 5:18-20; 1 Thim. 2:3-6) Gimbe gipandre khegi nya gu phasedzeye vandriyathu va vbwetago giphaso. Thumo wowo Pawulo a di wu rana gu khuye i ‘thumo nya guphasedzeye.’ (2 Kor. 8:4) Avba nya malito ma gu khayo “thumo nya gutshanganise vambe” ni ‘thumo nya guphasedzeye,’ ya mavili gu thumisidwe lito “thumo” li vbindrugedzedwego omu nya lito nya giKreki li gu khilo di·a·ko·niʹa. Sa gu tshamuseya ginani?
Khu gu ba Pawulo na thumiside lito leli avba nya sipandre sa sivili, a di sasamedza thumo nyo phasedzeye nga wumbe thumo owu libandla nya wuKristo li yedego gu wu khathaleya. A di khuye: “Mathumelo ma hambane, aholu Pfhumu mweyo basi; . . . Aholu, Liphuvbo khilo la limwedo basi li girago silo sesi satshavbo.” (1 Kor. 12:4-6, 11) Khu kharato, Pawulo a di ninganisa mithumo nyo hambanehambene nya libandla nya wuKristo nga “mhamba nya guvbanye.” (Rom. 12:1, 6-8) Khu kharato kha si samadzise khu gu ba Pawulo na dzi vegede tepo nyo ‘thumeye vakhodwa’! — Rom. 15:25, 26.
Pawulo phaside vaKorinto gu wona gu khavo khu ginani thumo nyo phasedzeye wu gu gipandre nya mithumo nya wuKristo ni wukhozeyi wa Jehovha. Nga wona esi: Makristo ma phasedzeyago ava va dugeledwego khu dzimhango, ma gu gira isoso kholu ma gu ‘engisa mahungu nya yadi ya Kristo.’ (2 Kor. 9:13) Kha nga olu maKristo ma kutswago khu gu dogoreya gwawe nyo engise sihevbudzo sa Kristo, ayo ma ngu phasa vandruye-kwanu. Kha nga esi Pawulo a ganedego, gudogoreya gwawe nyo phase vandruye-kwanu giyeyedzo nya “wuwadi owu Nungungulu a nga va girela.” (2 Kor. 9:14; 1 Ped. 4:10) Mukhedziseyi nya 1 nya Dezembro nya 1975, khu giPutukezi, wu ganede khu thumo wathu nyo phase vandriyathu; wu di khuwo: “Kha hi yeli gu kanakana gu khethu Jehovha Nungungulu ni Gyanana gyaye Jesu Kristo va ngu ninga lisima nya likhongolo ngudzu thumo wowu.” Vbavbandze nyo kanakane, thumo nyo phasedzeye ava va dugeledwego khu dzimhango wa gu gira gipandre nya thumo nyo hathege. — Rom. 12:1, 7; 2 Kor. 8:7; Hebh. 13:16.
(2 Vakorinto 9:7) Muthu ni muthu a na ningele khu gu dzina nya monyo waye. Mu nga dileli esi mu ningedego, mu nga ningeli na mu si dzini. Kholu oyu a ningelago khu lihaladzo, a ngu tsakisa Nungungulu.
kr-T paj. 196, ndri. 10
Edzi mithumo nya Hengeledzano ya Nungungulu yi seketedwago khidzo
Nyo pheye, ha gu gira miningelo nya gu dzi goleye kholu hi haladzago Jehovha ni gu bwe hi vbweta “gu gira esi si mu tsakisago.” (1 Johane 3:22) Jehovha a ngu tsaka khoyu a girago ningelo nyo dzi goleye na si gu dugeya monyoni. Hongoleni hi wona malito ya mupostoli Pawulo na gu ganeya maningago ni ningelo nya wuKristo. (Leri 2 Vakorinto 9:7.) Mukristo nya lisine kha ningeyi khu gu gurumedzwa. Ganiolu, a gu ningeya “khu gu dzina nya monyo waye.” Si thulago gu khiso, a gu gira ningelo hwane nya gu ba a wonide lisima lakone nedzi a na girago khidzo. Jehovha a ngu tangala khu muthu nya makhalelo yoyo, kholu “a ngu tsakisa Nungungulu.” Wumbe wuvbindrugedzeyi wari khuwo: “Nungungulu a ngu haladza vathu va ningeyago khu gutsaka.”
Kemba dzithomba nya liphuvbo
(2 Vakorinto 9:15) A na bongwe Nungungulu khu silo nya gusamadzise a hi girelago.
w16.01-AW paj. 12, ndri. 2
Kutswa khu “silo nya gusamadzise” esi Nungungulu a hi gireyago
Pawulo a di gu dziti gu khuye satshavbo situmbiso sa Nungungulu si tiyisidwe khu kotani nya mhamba nyo vbeleye ya Kristo. (Leri 2 Vakorinto 1:20.) Khu kharato, “silo nya gusamadzise” si na pata silo satshavbo nya sadi ni lihaladzo nyo tumbege eli Jehovha a na hi yeyedzago khu gu thumisa Jesu. Giningwa gyogyo gi ngu hi nengedzesa ngudzu nya gu kha hi kodzi ni gu si tshamuseya. Ha gu khuhwa kharini khu gu hakha giningwa gegi nya lisima ngudzu? Nigu, giningwa gegi gya gu hi kutsa khu gira ginani tepo hi dongiseyago Gidundrugiso nya gufe ga Jesu khu Mararu, 23 nya Março nya 2016?
(2 Vakorinto 10:17) Oyu a vbwetago gu dzi khusedza, a na dzi khusedze Pfhumuni.
g99-T 8/7 dzipaji. 20-21
Ina si vivbide gu dzi khusedza?
Avba nya Milowo nya wuKristo nya giKreki, lito kau·khaʹo·mai, li vbindrugedzedwego gu pwani, “gu dzi gira matshandza, gu dzipwa nuri ni wuzundzo, gu dzi zundza,” malito yatshavbo yoyo ma ngu thumiswa malanga ya mavili; avba nya silo nya sadi, ni avba nya silo nya mba sadi. Khu giyeyedzo, Pawulo a di khuye hi yede gu “lirela khu gunengela ni gitumbo gu wona wudhumo wa Nungungulu.” A di bwe a hi kutsa gu khuye: “Oyu a vbwetago gu dzi khusedza, a na dzi khusedze Pfhumuni.” (Varoma 5:2; 2 Vakorinto 10:17) Isoso so thula gu dzipwa matshandza khu Jehovha a gu Nungungulu wathu, gudzipwa gu na hi girago hi khuseda lina laye nya ladi ni makhalelo yaye.
20-26 NYA MAIO
DZITHOMBA NYA LITO LA NUNGUNGULU | 2 VAKORINTO 11-13
“‘Muba givilini’ ga Pawulo”
(2 Vakorinto 12:7) Gasi nyi si dzi gugumugisi khu gutuledwa gogu nya silo nya guete, nyi di thedwa muba givilini, a gu ngilozi ya Sathane yi nyi vetelela, gasi nyi si tali khu matshandza.
w08-T 15/6 dzipaji. 3-4
Khala muthu nyo tiye ambari wa gu rereka
Gimwegyo nya githumi nyo tumbege gi di lomba Jehovha gu mu dusa “muba givilini,” a gu gigaradzo nya gu mba vbeya. Mupostoli Pawulo a di lomba Nungungulu guraru gasi gu mu duseya silingo a nga ba a tshangana naso. Ni wevbini muba, wu di hatshi tsolopeteya gutsaka ga mupostoli Pawulo thumoni ga Jehovha. Pawulo a di fananisa isoso nga guvetwa sibhakeya tepo yatshavbo. Jehovha a di hlamula gu khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Jehovha kha mu dusa miba givilini. Pawulo a di yede gu vhikisana ni muba, ganiolu a di bwe khuye: “gikhati nyi dzi pwago na nyi vbungugide tshivba, khavbo nyi gu ni tshivba” (2 Kor. 12:7-10) Si di gu thula ginani isoso?
(2 Vakorinto 12:8, 9) Khu mahungu yoyo, nyi lombide guraru ga Pfhumu gukheni a nyi duse muba yoyo. 9 Aholu, uye a di nyi hakha, khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.
w06-T 15/12 paj. 24, dzindri. 17-18
Jehovha a ngu ninga “Liphuvbo nya Guage ga vale va mu lombago”
Nungungulu a di hlamula milombelo ya Pawulo khu gu khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Pawulo a di khuye: “Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.” (2 Vakorinto 12:9; Ndzimo 147:5) Pawulo wonide gu khuye khu gu thumisa Kristo, tshivba nya guvhikeye ya Nungungulu yi di khala vbatshani gwaye kha khatshi litendra. Muhuno nugo, Jehovha a ngu hlamula milombelo yathu khu ndziya yamweyo. Uye a ngu vhikeya sithumi saye nga khatshi somo omu nya litendra.
Lisine gu, litendra kha li emisi guwa ndzadzi mwendro liphuvbo, ganiolu li ngu vhikeya ava li va fenengedzidego. Khu gufana, mutsa wu girwago khu “tshivba ya Kristo” kha wu emisi silingo si hi teyago mwendro sigaradzo. Ambari ulolo, uwo wu ngu hi vhikeya khu liphuvboni avba nya kudzudwani wu vangwago khu litigo leli, ni sigaradzo si vangwago khu pfhumu yakone, a gu Sathane. (Gutuledwa 7:9, 15, 16) Khu kharato, ambari wa gu ba u emisana ni silingo tshigu ni tshigu si si ‘dzumeyigo gu gu diga,’ tiyiseya gu khuwe Jehovha a ngu gupwa gudileya gwago, nigu, ‘wa gu liya avbo gwaye, khu lisine uye a na gu pweya gisiro.’ (Isaya 30:19; 2 Vakorinto 1:3, 4) Pawulo lovide gu khuye: “Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.” — 1 Vakorinto 10:13; Vafilipi 4:6, 7.
(2 Vakorinto 12:10) Khidzo kharato nyi nengelago khu gupwa guvbunguga nya tshivba yangu, khu gu vadwa, ni sigaradzo, ni gunyenywa ni gusaniseka khu kotani ya Kristo. Kholu gikhati nyi dzi pwago na nyi vbungugide tshivba, khavbo nyi gu ni tshivba.
w18.01-AW paj. 9, dzindri. 8-9
“A gu ninga tshivba avo va rerekidego”
Leri Isaya 40:30. Ambari na hi gu kodza gu gira gwadi silo, somo hi si si kodzigo gu gira khu habuni. Isoso hi yede gu si vega hungoni. Ambari olu Pawulo a nga ba ari ni makodzelo nyo gire silo, a di gu tshuka a tandrega gu gira simbe silo a nga ba a si tsakeya. Tepo a nga tivisa gugaradzega gwaye ga Nungungulu, a di khuye: “Tshivba yangu ya gu dzi yeyedza khu gu tadzisega, ga vale va gu mwalo tshivba.” Pawulo a di dzegeya gu veta pontu. A di bwe khuye: “Gikhati nyi dzi pwago na nyi vbungugide tshivba, khavbo nyi gu ni tshivba.” (2 Kor. 12:7-10) A di gu vbweta gu khuye ginani?
Pawulo a di tugula gu khuye somo a gu mba si kodza gu gira enga. Liphuvbo nya guage la Nungungulu li di hadzi ninga tshivba Pawulo, eyi a nga ba ari mwalo nayo. Ganiolu khandri soso basi, ilo gambe li di hadzi tiyisa Pawulo gasi a gira silo a nga ba a si si kodzi gu gira khu mati yaye. Isoso si ngu girega gwathu nethu. Abari gu tshivba hi gu nayo yo guta khiyo ga Jehovha, gimwalo gi na hi palago!
Kemba dzithomba nya liphuvbo
(2 Vakorinto 12:2-4) Nya guti muthu moyo a khodwego ga Kristo, oyu hwane nya likhumi na mina myaga a nga khusedzwa a gwela Ndzadzini. Gani hongode khu givili, gani khu liphuvbo, kha nyi dziti. Nungungulu khuye a dzitigo, 3 Aholu, nya gu dziti gukheni muthu yoyo a di gwedziswa a hongola ga Nungungulu. Gani hongode khu givili, gani khu liphuvbo, kha nyi dziti. Nungungulu khuye a dzitigo. 4 Iyoyo, a dipwa silo nya gusamadzise, si si kodzigo gu ganedwa khu muthu.
w18.12-T paj. 8, dzindri. 10-12
Siwudziso sa valeri
“Ndzadzini” nya wuraru gu khumbugwago omu ga 2 Vakorinto 12:2 si nga gira na gu thudwa Mufumo nya wuMesiya wu gomogo mandzani ga Jesu Kristo gumogo ni 140 000, a gu “ndzadzi yiphya.” — 2 Ped. 3:13
Ga gu ranwa gu pwani “ndzadzini” nya wuraru kholu Mufumo wakone wu khugegide, nigu kha wu fananiswi ni wumbe.
“Paradhesi, NM” eyi Pawulo a nga “gwedziswa” omu nya giwoniso, si nga gira na gu thudwa, 1) Paradhesi nya givili yi na tago mafuni, 2) paradhesi nya liphuvbo yi na manegago, eyi yi na ba yiri yikhongolo gu vbindra paradhesi nya liphuvbo yi gomogo olu, ni 3) paradhesi ya “Nungungulu” ya ndzadzini. Tshatshavbo dzi na manegago khu gumogo omu nya litigo nya liphya.
(2 Vakorinto 13:12) Losanani moyo ni moyo khu lihaladzo nya wundruye. Eno, vatshavbo vathu va Nungungulu va ngu mi losedzela.
it-1 paj. 325
Gulosana
Gu “losana moyo ni moyo khu lihaladzo.” Vbakari nya maKristo nyo pheye, gu diri ni “besu nya wundruye” (Ro 16:16; 1Ko 16:20; 2Ko 13:12; 1Tes 5:26) mwendro gu ‘losana moyo ni moyo khu lihaladzo’ (1Pe 5:14), adzina va di gu losana vathu va ba vari ni sivbango nya wuvelegi nyo fane. Adzina malosanelo yaya nya maKristo nyo pheye mo tumbunugeya avba nya malosanelo nya vaHebheru va gale. Ambari olu milowo yi si tshamuseyigo nyo tale, gu “losana moyo ni moyo khu lihaladzo” mwendro “besu nya wundruye” sa gu wonega na si gu thula lihaladzo ni pwanano wu nga ba wu fuma libandla nya wuKristo. — Joh 13:34, 35.
27 NYA MAIO–2 NYA JUNHO
DZITHOMBA NYA LITO LA NUNGUNGULU | VAGALATIYA 1-3
“Nyi dzude nyita mu kawuka khovbe ni khovbe”
(Vagalatiya 2:11-13) Gikhati Pedro a ngatago dhoropani ga Antiyokiya, nyi dzude nyita mu kawuka khovbe ni khovbe khu gu gira silo nya guyele gu kawukwa. 12 Kholu na va si gu vbohi vathu nya tsawa wa Jakobe, Pedro a di hodza ni va nya mayigo. Aholu, gikhati va nga vbohago, uye a di dzi pambula a si hodzi gambe navo, khu gu thava tsawa nya vale nya guhane wugwera. 13 Vambe vakhodwa nya Vajudha va di phela navo gu bwelelela hwane, va pfhadzedzela nga uye, kala ni Bharinabha nuye a sengwa khu gidinga a gu landra mithumo yoyo nya mba yela.
w17.04-AW paj. 27, ndri. 16
U na ni mawonelo ya mamowo ni Jehovha maningano ni gulamula?
Leri Vagalatiya 2:11-14. Pawulo thegide omu nya naphwi nyo thave vathu. (Mav. 29:25) Uye a di gu mati gwadi mawonelo ya Jehovha maningano ni mahungu yale. Ganiolu tepo gu nga vboha vandruye va Jerusalema va nga ba vari vaJudha, va nga ba va seketeya wugera, Pedro a di thava. Mupostoli Pawulo oyu nuye a manegidego avba nya tshangano wa Jerusalema wu giregidego khu mwaga nya 49 Teponi yathu, a di dzegeya gu mu kawuka a bwe a mu yeyedza gu khuye a gu dzi gira mupfhadzedzeyi. (Mith. 15:12; Gal. 2:13) Makristo ma nga ba ma siri vaJudha ma khuhidwe kharini khesi Pedro a nga gira? Ina va di hadzi tshunganeya khu kotani nya isoso? Ahati Pedro, ina a hi hadzi luza malungelo khu kotani nya esi a nga gira?
(Vagalatiya 2:14) Na nyi wone gukheni mithumo yawe yi ndreyide ndzilani nya Invangeli, nyi di embela Pedro vbakari nya vathu vatshavbo, kheni: “Uwe u gu mujudha wa gu vbanya kha nga moyo a si gu Mujudha. Khu ginani u vbweta gu gurumedza ava va si gu Vajudha gu landrisa milayo nya tumbunugo wa Vajudha?
w13-AW 15/3 paj. 5, ndri. 12
Ava va haladzago Jehovha, “gimwalo gi va khunguvanyisago”
Pedro a di gu thava vathu, dzimbe dzitepo a di gu tshunganeya ngudzu; ambari ulolo uye a di gu simama na tumbegide ga Jesu ni Jehovha. Khu giyeyedzo, uye dangide Pfhumu yaye vathuni, nigu khandri gumogo basi, ganiolu guraru. (Luka 22:54-62) Khu gu gimbiya nya tepo a di dzi gira nga khatshi khandri muKristo, a di tshepeta maKristo ma nga ba ma siri vaJudha nga khatshi kha va sizi wa gu va fananisa ni maKristo nya giJudha ma hanidego gugwera. Ganiolu mupostoli Pawulo wonide silo khu mawonelo nya yadi; gu diri mwalo gighelo nyo manege ni gihatheya libandlani. Esi Pedro a nga ba a giride, si di vivbide. Pawulo a di dzegeya gu kawuka Pedro khovbe ni khovbe wundruye wa mafuni gwatshavbo na wu nga si ghoheki. (Gal. 2:11-14) Ina Pedro dzumelede gu khuye gu dzi khusedza gu mu fuma avba nya gu a tsukula mapalisana nya womi? Ahihi. Uye a di ninga lisima a bwe a thumisa wusingalagadzi wa Pawulo, nigu kha diga mapalisana.
Kemba dzithomba nya liphuvbo
(Vagalatiya 2:20) Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kotani yangu.
w14-AW 15/9 paj. 16, dzindri. 20-21
Thumeya Jehovha khu gu tumbega ambari na wu romo “sigaradzoni nya singi”
Ahati ha gu wugedwa khu ndziya nyo sihale? Khu giyeyedzo, hi nga pala kharini gurereka? Mweyo nya dzindziya nya lisima mo pale gurereka, gu dundrugeya khu gudzegiswa. Esi khiso si giridwego khu mupostoli Pawulo. Dzitepo nya dzingi a di gu dzipwa na si phasi gilo. Ganiolu, a di gu dziti gu khuye Kristo kha feya vathu nyo vbeleye, ganiolu a di feya sighohi. Ni gu Pawulo a diri moyo wakone. A di lova gu khuye: “Nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.” (Gal. 2:20) Vbavbadze nyo kanakane, Pawulo dzumede gudzegiswa. Uye a di gu pwisisa gu khuye gudzegiswa gu mu phaside.
Wa gu manega ni mawonelo ya mamowo, nya gu wone gudzegiswa nga giningwa u ningidwego khu Jehovha, si na gu phasa. Isoso kha si thuli gu khiso gurereka gu na dzegeya gu vbeya. Adzina vambe gwathu va na dwanisana nago kala mafuni maphya. Ganiolu dundruga gu khuwe: Tshatshazelo wu na manwa khoyu a na simamago kala mahegiso. Hi womo vbafuvbi ngudzu ni litshigu eli Mufumo wa Nungungulu wu na resago gurula ni gu wusedza vathu vatshavbo nyo tumbege gasi va khala vathu nyo vbeleye. Dziemiseye gu beya omu nya Mufumo wowo, ambari na si gu thula gu vbindra khu sigaradzoni.
(Vagalatiya 3:1) Ama enu Vagalatiya, sipumbunu! Khu mani a mi sengidego? Eni nyi mi yeyedzide gwadi Jesu Kristo a khokhothedwego vbagihambanotunu.
it-2-T paj. 171
Vagalatiya, Lidangaliya ga
Malito ya Pawulo nyo khuye: “Ama enu Vagalatiya, sipumbunu!” kha ma thuli gu khayo Pawulo a di gu dundrugeya basi khu lifumbo nyo khaguri li nga ba li wumba gipandre gya tigoni ga Galatiya. (Ga 3:1) Vbavbandze nya isoso, Pawulo a di gu kawuka vathu nyo khaguri mabandlani ya mule khu gu va dzegeleya mavbanyelo nya vaJudha nyo khaguri va nga ba va zama gu yeyedza wulamuli wawe na va gu dzi seketeya avba nya malulamiselo nya nayo wa Mosi, vbavbandze nyo ‘lamule khu gu khodwa’ gu residwego khu pwanano nya wuphya. (2:15–3:14; 4:9, 10) Lifumbo nya “vakhodwa va tigoni ga Galatiya” (1:2) eli Pawulo a nga li loveya, gu nga ba guri patano nya vaJudha ni ava va gu siri vaJudha, ava nyo hegise va di gu wumbwa khu vaJudha nyo vbindrugedzwe ni vanyamayigo nya mba hana wugwera, vbavbandze nyo kanakane vambe va di gu wumbwa khu lifumbo nya vaSelta. (Mith 13:14, 43; 16:1; Ga 5:2) Vatshavbo va di gu ranwa gu pwani maKristo nya vaGalatiya kholu omu va nga ba va vbanya umo gu di gu ranwa pwani Galatiya. Mahungu ya avba nya lidangaliya la Pawulo a di gu loveya ava a nga ba a vati gwadi va nga ba vari ga gipandre nyo khaguri gya Roma, na siri ava a nga ba a si vati.