Ndziya Nya Gu Dugeleye Kha Nga Mutshumayeli​—Tshumayela khu gu thumisa telefone

LISIMA LAKONA: Gu tshumayela khu telefone mweyo nya dzindziya nya lisima yi na hi phasago gu ‘huweleya mahungu nya yadi.’ (Mith 20:24)a Iyo yi nga hi phasa gu tshumayela vale si garadzago gu va mana dzindrangani gwawe mwendro dzindranga dzi gu mba belega.

MAGIRELO YA KONA:

• 

  Dongiseya. Hatha mahungu nyo tsakise. Khu hwane sasamedza aya u vbwetago gu ganeya khayo. Dongiseya gambe mahungu nya madugwana ma na tshamuseyago makungo nya xamada yago. Si na phasa ngudzu wa gu sasamedza gwadi satshavbo u na si vbwetago ni gu u manega ni libhuku u na li thumisago khomu nya JW Library^® mwendro omu nya jw.org^®

• 

  U nga garadzegi. Ganeya nya mba thava. Hega u bwe u thumisa dzigestu nga khatshi wa gu wonana naye. Potsa gu emaema nya mba na gighelo. Si na ni lisima gu tshumayela ni vambe. Mune ndranga a gu gira giwudziso, gi phindre khu lito nyo khugege gasi gu oyu u gu naye a gu phasa gu mana hlamulo

• 

  Tshiya mahungu u na ta bhulago khayo ga liendro nyo bweleleye. Muthu a gu yeyedza gu tsakeya, mu tshiyele giwudziso gasi gu ta hlamula ga xamadha yi landreyago. U nga mu ninga e-mail yago mwendro gu mu rumeleya mabhuku mu nga ma thumisago. Mwendro u nga mu ninga mweyo nya dzivhidhiyu mwendro dzindrima nyo khaguri khu gu thumisa e-mail. Sa gu kodzega, mu bhuleye khedzi hi nga wuyedwago khidzo ku gihevbulo gyathu nya Bhibhiliya omu nya interneti mwendro gimbe gilo omu nya sayiti yathu