Simama gu trenari mapimo yago

Mututumi yede gu simama a trenari dzimuskulo dzaye gasi a simama ni tshivba nyo tutume gwadi. Khu ndziya nyo fane, hi yede gu dzigaradzeya gu simama gu trenari mapimo yathu. (Hebh 5:14) Ambari olu si nga hi vbevbugeyago gu wegeleya ga esi vambe vathu va hungago, hi yede gu hevbuleya gu pimisa ni gu dzi hungeya silo ethu habune. Khu ginani? Kholu moyo ni moyo wathu a na dzi hlamuleya khesi a hungidego. — Rom. 14:12.

Kha hi yeli gu pimisa gu khethu hi na hunga silo khu ndziya nya yadi kholu basi hi gu na ni myaga nya yingi na hi bhabhatisidwe. Gasi gu hi kodza gu hunga silo khu ndziya nya yadi, hi yede gu tumba Jehovha, Lito laye ni hengeledzano yaye khu gu vbeleya. — Jos 1:7, 8; Mav 3:5, 6; Mat. 24:45.

YEYEDZA VHIDHIYU “SIMAMA NI LIVHALO NYA LADI,” KHU GU LANDREYA U GIRA SIWUDZISO SESI:

• 

  Giemo muni Emma a nga tshangana nagyo?

• 

  Khu ginani hi yedego gu potsa gu ningeya mawonelo yathu ga silo si gimbileyanago ni livhalo nya muthu?

• 

  Wusingalagadzi muni nya wadi owu patwa moyo wu nga ninga Emma?

• 

  Emma, a ma manide hayi mahungu ma nga mu phasa ga giemo a nga ba ari ga igyo?