MAVBANYELO NYA WUKRISTO
Jehovha a ngu vbanyisa avo mihefumulo yawe yi garadzegago
Dzimbe dzitepo hi ngu dzipwa na ha sa tsaka. Gudzipwa khu ndziya yeyi, kha si thuli gu khiso kha hi khodwe ga Jehovha, kholu ambari Jehovha a ganede gu khuye dzimbe dzitepo a ngu dzipwa na sa tsaka. (Ge 6:5, 6) Ganiolu, ahati ha gu dzipwa na ha sa tsaka tepo yatshavbo?
Gombeya u lomba giphaso Jehovha. Jehovha a ngu garadzega ngudzu khedzi hi dzipwago khidzo khu monyoni ni mapimoni. A ngu dziti tepo hi tsakago ni tepo hi garadzegago. Uye a ngu dziti gu khuye khu ginani hi pimisago ni gu dzipwa khu ndziya nyo khaguri. (Ndz 7:9b) Nya lisima ngudzu khu gu Jehovha a ngu hi khathaleya, nigu a na hi phasa tepo hi dzipwago na ha sa tsaka. — Ndz 34:18.
Vhikeya mapimo yago. Tepo hi dzipwago na hi gu vbede tshivba, kha hi na nga tsaka nigu isoso si na kuha wupari wathu ni Jehovha. Khu gighelo gegi, ethu hi ngu gira gwadi khu gu vhikeya monyo wathu, a gu edzi hi gu idzo khu ndrani. — Mav 4:23.
YEYEDZA VHIDHYU YI GU KHIYO: EDZI VANDRIYATHU VA DZI BUZAGO KHIDZO KHU GURULA, KHU GU LANDREYA GIRA SIWUDZISO SESI:
Silo muni Nikki a giridego si nga mu phasa gu emisana ni gigaradzo nya gu vbeledwe khu litsako?
Khu ginani Nikki a nga dzipwa na gu vbweta giphaso gya Dhogodheya? — Mt 9:12
Nikki yeyedzide kharini gu khuye a di gu tumba giphaso gya Jehovha?