Thumisa maganelelo ma olovelegidego

Khiso a giridego Filipi

VHIDHYU: Filipi a tshumayelago mwama moyo nya Muetiyopi

1. Sistiri VHIDHYU, mwendro leri Mithumo 8:30, 31. Khavbovbo gira siwudziso si landreyago:

1. Filipi a di pheya kharini mabhulo?

2. Khu ginani hi ganeyago gu khethu eyi yi diri ndziya nya yadi nyo pheye khiyo mabhulo nga khatshi o bhula, gasi gu bhuleya Muetiyopi silo nya siphya?

Ginani hi gi hevbulago khu Filipi?

2. Ha gu pheya mabhulo nga khatshi ho bhula, adzina saye muthu yoyo a na dzipwa na tshulegide gu bhula khu mahungu yathu.

Pimedzeya Filipi

3. Khedziseya gwadi. U nga hevbula nya singi khu muthu yoyo, khu gu khedza khovbe yaye, dzijestu a girago ni edzi a dzi khutha-khutago khidzo. Ina muthu yoyo a dzi emisede gu bhula nago? U nga pheya gu bhula naye khu gu mu wudzisa gu khuwe: “U di gu dziti gu khuwe . . . ?” Potsa gu simama gu ganeya ni muthu nyo khaguri a gu mba vbweta gu ganeya khu mahungu yoyo.

4. Laphisa-monyo. U nga pimisi gu khuwe u yede gu dzegeya gu ganeya khu mahungu nya Bhibhiliya. Vireya gasi u mana lithomo nya gu pheye mabhulo khu ndziya nya yadi. Dzimbe dzitepo, adzina si na lomba gu vireya kala limbe litshigu u na mananago ni muthu yoyo.

5. Dzi pwananise ni giemo. Muthu a nga pheya gu ganeya khu silo adzina u nga mba si vireya. Khu kharato, dzi emiseye gu bhula khu mahungu a ma khumbugidego, ambari na si thula gu vbindrugedza mahungu u nga donga gasi gu ma thumisa.