APÊNDICE A
Lisine hi golago gu hevbudza vambe
Jesu a di ganeya gu khuye vathu nya myonyo nya yadi va di hadzi guti lisine va gu lipwa. (Joh. 10:4, 27) Khu kharato, tepo hi ganeyago ni vathu ha gu vbweta gu hengeya navo lisine nya Bhibhiliya. U nga pheya khu gu ganeya khuwe: “U di gu dziti gu khuwe . . . Mwendro u di ngapwa na va ganeya gupwani . . . ? Khavbovbo, tshamuseya lisine lolo khu gu thumisa milowo yi yelanago ni lisine lolo. Khu gu hengeya lisine nya Bhibhiliya ni muthu, hi nga yala mbewu monyoni gwaye nigu Nungungulu khuye a na dandrisago! — 1 Kor. 3:6, 7.
WUMINDRU
1. Sigiro nya litigo ni mavbanyelo nya vathu muhuno sa gu yeyedza gu khiso nya mba hweya silo si na vbindrugedza. — Mat. 24:3, 7, 8; Luka 21:10, 11; 2 Thim. 3:1-5.
2. Litigo gima kha li na nga fuviswa. — Ndzi. 104:5; Muh. 1:4.
3. Phuvbo ni mafu kha si na nga ghohetedwa gambe — Isa. 35:1, 2; Gutu. 11:18.
4. Vatshavbo va na ba vari ni womi nya wadi. — Isa. 33:24; 35:5, 6.
5. Uwe u nga vbanya kala gupindruga mafuni. — Ndzi. 37:29; Mat. 5:5.
NDRANGA
6. Mwama gu vbwetega a ‘haladza mwangadzi waye nga edzi a dzi haladzago khidzo uye mune.’ — Efes. 5:33; Kol. 3:19.
7. Nyamayi nuye gu vbwetega a ninga githawo nya gikhongolo mwama waye. — Efes. 5:33; Kol. 3:18.
8. Mwama gu vbwetega gu a tumbega ga mwangadzi waye, mwangadzi nuye gu vbwetega a tumbega ga mwama waye. — Mal. 2:16; Mat. 19:4-6, 9; Hebh. 13:4.
9. Sanana si yeyedzago githawo ni gu engisa vavelegi vaso si na wuyedwa ngudzu. — Mav. 1:8, 9; Efes. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
NUNGUNGULU
10. Nungungulu na ni lina. — Ndzi. 83:18; Jer. 10:10.
11. Nungungulu a ngu ganeya ni ethu. — 2 Thim. 3:16, 17; 2 Ped. 1:20, 21.
12. Nungungulu lulamide ni gu mwalo gihatheya. — Dhet. 10:17; Mith. 10:34, 35.
13. Nungungulu a ngu dzina gu hi phasa. — Ndzi. 46:1; 145:18, 19.
NOMBELO
14. Nungungulu o vbweta khuye hi gombeya gwaye. — Ndzi. 62:8; 65:2; 1 Ped. 5:7.
15. Bhibhiliya yi ngu hi hevbudza edzi hi yedego gu gombeya khidzo. — Mat. 6:7-13; Luka 11:1-4.
16. Hi yede gu gombeya tepo yatshavbo. — Mat. 7:7, 8; 1 Tes. 5:17.
JESU
17. Jesu a diri muhevbudzi nya wadi ni gu wusingalagadzi waye wu ngu thuma tepo yatshavbo. — Mat. 6:14, 15, 34; 7:12.
18. Jesu profetide khu sigiro hi si wonago muhuno. — Mat. 24:3, 7, 8, 14; Luka 21:10, 11.
19. Jesu gyanana gya Nungungulu. — Mat. 16:16; Joh. 3:16; 1 Joh. 4:15.
20. Jesu khandri Nungungulu nya tshivba yatshavbo. — Joh. 14:28; 1 Kor. 11:3.
Based on NASA/Visible Earth imagery
MUFUMU WA NUNGUNGULU
21. Mufumu wa Nungungulu mufumu nya lisine wu gu romo ndzadzini. — Dhan. 2:44; 7:13, 14; Mat. 6:9, 10; Gutu. 11:15.
22. Mufumu wa Nungungulu wu na tshikedza mifumu nya vathu. — Ndzi. 2:7-9; Dhan. 2:44.
23. Mufumu wa Nungungulu khuwo basi wu na lulamisago sigaradzo nya vathu. — Ndzi. 37:10, 11; 46:9; Isa. 65:21-23.
GUTSHANISEKA
24. Nungungulu khandruye a vangago gutshaniseka hi mananago nago. — Dhet. 32:4; Jak. 1:13.
25. Sathane khuye a fumeyago litigo. — Luka 4:5, 6; 1 Joh. 5:19.
26. Nungungulu a ngu wona gutshaniseka gwago. — Ndzi. 34:17-19; Isa. 41:10, 13.
27. Nya mba hweya, Nungungulu a na fuvisa gutshaniseka gwatshavbo. — Isa. 65:17; Gutu. 21:3, 4.
GUFA
28. Ava vafudego kha vati gilo; nigu gimwalo gi giregago khavo. — Muh. 9:5; Joh. 11:11-14.
29. Ava vafudego kha va si kodzi gu hi phasa ambari gu hi gireya silo nyo vivbe. — Ndzi. 146:4; Muh. 9:6, 10.
30. Sigodwa sathu si fudego si na wuswa si vbanya gambe. — Joba 14:13-15; Joh. 5:28, 29; Mith. 24:15.
31. “Kha gu na nga manega gambe gufa.” — Gutu. 21:3, 4; Isa. 25:8.
WUKHONGEYI
32. Khandri watshavbo wukhongeyi wu tsakisago Nungungulu. — Jer. 7:11; Mat. 7:13, 14, 21-23.
33. Nungungulu kha manani ni wupfhadzedzeyi. — Isa. 29:13; Mik. 3:11; Marko 7:6-8.
34. Lihaladzo nya lisine li ngu tivegisa wukhongeyi nya lisine.— Mik. 4:3; Joh. 13:34, 35.