GIPANDRE 6

Ndrambi nya yikhongolo ya gu hi hevbudza ginani?

Nungungulu a di fuvisa vathu nya guvivbe ganiolu a di vbulugisa Nowa ni ndranga yaye. Genesi 7:11, 12, 23

Ngalava yi delugago, vathu nya guvivbe va dzamago, dzingilozi nya guvivbe dzi tshula mili wadzo nya nyama

Gu diwa ndzadzi khu 40 matshigu, wutshigu ni mihani, mati ma langaladza litigo latshavbo. Vathu vatshavbo nya guvivbe va difa.

Dzingilozi dzi nga wugeya Nungungulu dzi di diga mili yadzo nya nyama dzi khala madhemoni.

Nowa, ndranga yaye, ni sirengo va duga khu ngalavani, gu wonega wulaho nya nyazimwe ndzadzini

Ava va nga ba vari ndrani nya litaro va vbulugide. Ambari olu Nowa ni ndranga yaye va nga hegisa khu gufa, Nungungulu a na va wusa gasi va vbanya kala gupindruga.

Nungungulu a na fuvisa gambe vathu nya guvivbe, a vbulugisa ava nya vadi. Matewu 24:37-39

Sathane ni madhemoni yaye va gu thumisa dzindziya nyo hambanehambane gasi gu kanganyisa vathu

Sathane ni madhemoni va ngu gu simama gu sengedzeya vathu.

Muhuno, kha nga matshiguni ya Nowa, vathu nya vangi va ngu bomba gu landreya sileletelo nya lihaladzo sa Jehovha. Nugunugu Jehovha a na fuvisa vathu vatshavbo nya guvivbe. — 2 Pedro 2:5, 6.

Dzifakazi dza Jehovha dza gu thumisa Bhibhiliya gasi gu tshumayela mwama; mwama a lerigo Bhibhiliya

Vambe vathu va ngu fana ni Nowa. Va ngu engisa Nungungulu va bwe va gira esi a leleteyago; vathu vovo Dzifakazi dza Jehovha.