Nehemiya

11 Basilutwe babantu bakali kukkala muJerusalema; pesi bamwi bantu boonse bakawuma chisale* kuti aakati kampuli zimwi azimwi zili kkumi, kusalwe iimwi mpuli iitakkale muJerusalema, mumuunzi uusalala, mpawo zimwi zili musanu azine zisyaale muli imwi myuunzi. 2 Mukuyungizya, bantu bakalongezya baalumi boonse bakalipeda kukkala muJerusalema.

3 Mbaba basilutwe bazilikiti* bakali kukkala muJerusalema. (Ma-Israyeli boonse bapayizi, maLevi, babelesi baatempele,* abana bababelesi baSolomoni bakali kukkala muli imwi myuunzi yaJuda, umwi awumwi kakkala mulukono lwakwe, mumuunzi wakwe.

4 Amumo muJerusalema mwakali kukkala bamwi bana baJuda abamwi bana baBbenjamini.) Basilutwe babana baJuda mbaba, Ataya mwana wa-Uziya mwana waZakkariya mwana wa-Amariya mwana waShefatiya mwana waMahalaleli umwi wabana baPerezi, 5 aMaaseya mwana waBbarukki mwana waKkoluhoze mwana waHazaya mwana wa-Adaya mwana waJoyiyaribbu mwana waZakkariya mwana wamuShela. 6 Bana baPerezi boonse aabo bakali kukkala muJerusalema bakali baalumi basinguzu bali 468.

7 Mbaba bantu bakwaBbenjamini: Salu mwana waMeshulamu mwana waJowedi mwana waPedaya mwana waKkolaya mwana waMaaseya mwana wa-Itiyeli mwana waJeshaya, 8 alubo nikwakazwa nguwe, kwakali Gabbayi aSalayi, bakali 928; 9 aJoweli mwana waZikkiri nguwe wakali mulangizi wabo mpawo Juda mwana waHasenuya nguwe wakali mutobeli wakwe wamuunzi.

10 Kuzwa kubapayizi kwakali: Jedaya mwana waJoyiyaribbu, Jakkini, 11 Seraya mwana waHilikkiya mwana waMeshulamu mwana waZadokki mwana waMerayoti mwana wa-Ahitubbi, muzulwidi wang’anda* yaLeza wakasimpe, 12 ababelesinyina bakali kubeleka aatempele bakali 822; a-Adaya mwana waJerohamu mwana waPelaliya mwana wa-Amuzi mwana waZakkariya mwana waPashuri mwana waMalikkija, 13 ababelesinyina basilutwe bamaanda aamawisi bali 242, a-Amashisayi mwana wa-Azareli mwana wa-Ahazayi mwana waMeshilemoti mwana wa-Imeri, 14 ababelesinyina bakali basinguzu, baalumi bali aachibindi bali 128, mulangizi wabo wakali Zabbudiyele, ooyo wakali kuzwa mumpuli iili aampuwo.

15 KumaLevi kwakali: Shemaya mwana waHashubbi mwana wa-Azirikkamu mwana waHashabbiya mwana waBbuni, 16 aShabbetayi aJozabbadi, aabo bakali basilutwe bamaLevi, mbabo bakali kulanga-langa mulimu wakali kuchitwa aanze aang’anda yaLeza wakasimpe; 17 aMataniya, mwana waMikka mwana waZabbudi mwana wa-Asafu muzulwidi wabayimbi, ooyo wakali kuzulwida mukwiimba nyimbo zyakutembawula aachiindi chakukomba, aBbakkibukkiya mugwasilizi wakwe, a-Abbida mwana waShamuwa mwana waGalalu mwana waJedutuni. 18 MaLevi boonse bakali mumuunzi uusalala bakali 284.

19 Balindi bamageedi mbaba: Akkubbi, Talimoni, ababelesinyina bakali kulinda mageedi bakali 172.

20 Ma-Israyeli boonse, bapayizi, amaLevi bakali kukkala muli imwi myuunzi yoonse yaJuda, umwi awumwi aanyika yakwe njaakakona.* 21 Babalesi baatempele* bakali kukkala mu-Ofeli, mpawo Ziha aGishipa mbabo bakali balangizi bababelesi baatempele.*

22 Mulangizi wamaLevi muJerusalema wakali Uzi mwana waBbani mwana waHashabbiya mwana waMataniya mwana waMikka umwi wabana ba-Asafu bayimbi, nguwe wakali mulangizi wamulimu wakali kuchitwa aang’anda yaLeza wakasimpe. 23 Nkaambo kwakali malayilile aaMwaami aali atala ambabo, alubo kwakali zintu zyakeelede kukkala kazipegwa bayimbi kweendelana aziyandikana buzuba abuzuba. 24 Petahiya mwana waMeshezabbeli umwi wabana baZera mwana waJuda wakali sikupa lulayo* wamwaami mutwaambo toonse tujatikizya bantu.

25 Nzezi ndawu nzibakakkala amyuunda yabo, bamwi bantu bamuJuda bakakkede muKkiriyati-abba amyuunzi yayo miniini,* muDibboni amyuunzi yayo miniini, muJekkabbizeli amyuunzi yayo, 26 muJeshuwa, muMolada, muBbeti-peleti, 27 muHazari-shuwali, muBberi-shebba amyuunzi yayo miniini,* 28 muZikkilagi, muMekkona amyuunzi yayo miniini,* 29 mu-Eni-rimoni, muZora, amuJamuti, 30 muZanowa, mu-Adulamu amyuunzi yayo, muLakkishi amyuunda yayo, amu-Azekka amyuunzi yayo miniini.* Bakakkala* kuzwa kuBberi-shebba kuyoosika muKkuti* lyaHinomu.

31 Bantu bakwaBbenjamini bakali muGebba, Mikkimashi, Ayija, Bbeteli amyuunzi yayo miniini,* 32 Anatoti, Nobbu, Ananiya, 33 Hazori, Rama, Gitayimu, 34 Hadidi, Zebboyimu, Nebbalati, 35 Lodi, a-Ono, kkuti* lyabasikufula. 36 Bamwi maLevi bakali kukkala muJuda bakazookkala muBbenjamini.