Nehemiya
3 Eliyashibbu mupayizi mupati ababbululu bakwe bapayizi bakasaanguna kuyaka Geedi lyaMbelele. Bakalisalazya* akubikka makoma aalyo; bakalisalazya kuyoosika kuNgazi yaMiya akuyoosika kuNgazi yaHananeli. 2 Kumbali lyabo baalumi bakuJerikko bakali kuyaka; alubo kumbali lyabo Zakkuri mwana wa-Imuri wakali kuyaka.
3 Bana baHasena bakayaka Geedi lyaBaswi; bakaliyaka aazisamu mpawo babikka makoma aalyo ankwidizyo zyalyo ansimbi zyalyo. 4 Kumbali lyabo Meremoti mwana wa-Urija mwana waHakkozi wakali kubambulula muduli, alubo kumbali lyakwe Meshulamu mwana waBberekkiya mwana waMeshezabbeli wakali kubambulula muduli, alubo kumbali lyakwe Zadokki mwana waBbaana wakali kubambulula muduli. 5 Kumbali lyakwe bantu bakuTekkowa bakali kubambulula muduli, pesi baalumi bali aampuwo bakulimbabo teebakalichesya pe kuti batole lubazu mumulimu wabasimalelaabo.
6 Joyiyada mwana waPasiya aMeshulamu mwana waBbesodeya bakayakulula Geedi lyaMuunzi Wachiindi; bakaliyaka aazisamu mpawo babikka makoma aalyo ankwidizyo zyalyo ansimbi zyalyo. 7 Kumbali lyabo Melatiya muGibbiyoni aJadoni muMeronoti bakali kubambulula muduli, baalumi bakuGibbiyoni akuMizipa aabo bakali kweendelezegwa aamweendelezi* wamuchilawu chili Mutala aaMulonga.* 8 Kumbali lyabo Uziyele mwana waHahaya, umwi wabasikupanga zintu zyangolida, wakali kubambulula muduli, alubo kumbali lyakwe Hananiya umwi wabasikupanga mafuta aaswaanizidwe kabotu,* wakabambulula muduli, bakayala mabwe aansi muJerusalema kuyoosika kuMuduli Uukwankwamukide. 9 Kumbali lyabo, Refaya mwana waHuri silutwe wahafu yabbooma lyaJerusalema wakabambulula muduli. 10 Kumbali lyabo, Jedaya mwana waHarumafa wakabambulula muduli uulikunembo aang’anda yakwe, alubo kumbali lyakwe Hatushi mwana waHashabbinaya wakabambulula muduli.
11 Malikkija mwana waHarimu aHashabbu mwana waPahati-mowabbu bakabambulula chimwi chipanzi* chamuduli, kuswaanizya aNgazi yama-Oveni. 12 Kumbali lyabo Shalumu mwana waHalohesha, silutwe wahafu yabbooma lyaJerusalema wakabambulula muduli kalaamwi abana bakwe basimbi.
13 Hanuni abantu bakkala muZanowa bakabambulula Geedi lyamuKkuti; bakaliyaka mpawo babikka makoma aalyo ankwidizyo zyalyo ansimbi zyalyo, alubo bakabambulula makkiyubbiti* aamuduli aali 1 000 kuyoosika kuGeedi lyaMilwi yaDyota. 14 Malikkija mwana waRekkabbu, silutwe wabbooma lyaBbeti-hakkeremu wakabambulula Geedi lyaMilwi yaDyota; wakaliyaka mpawo wabikka makoma aalyo ankwidizyo zyalyo ansimbi zyalyo.
15 Shaluni mwana waKkoluhoze, silutwe wabbooma lyaMizipa wakabambulula Geedi lyaKasawu; wakaliyaka walivumba, wabikka makoma aalyo ankwidizyo zyalyo ansimbi zyalyo, alubo wakabambulula muduli uuli kuDambwa lyaKagelo kaya kuMuunda waMwaami kuyoosika kumatantilo aazwa muMuunzi waDavida.
16 Nikwakazwa nguwe, Nehemiya mwana wa-Azibbukki, silutwe wahafu yabbooma lyaBbeti-zuri wakabambulula kuzwa kunembo aaNdawu Zyakuzikkila zyaDavida kuyoosika kudambwa lyakali lyayakwa akuyoosika kuNg’anda yaBasinguzu.
17 Nikwakazwa nguwe, maLevi kuswaanizya aRehumu mwana waBbani bakabambulula muduli, kumbali lyakwe Hashabbiya silutwe wahafu yabbooma lyaKkeyila, anguwe wakabambulula kayiminina bbooma lyakwe. 18 Nikwakazwa nguwe, babbululu babo bakabambulula kabazulwidwa aaBbavayi mwana waHenadadi silutwe wahafu yabbooma lyaKkeyila.
19 Kumbali lyakwe Ezeri mwana waJeshuwa, silutwe waMizipa wakali kubambulula chimwi chipanzi chili kunembo aamatantilo kuyoosika kuNdawu Iibambilwa Zilwanisyo kuChitabilizyo chaMuduli.
20 Nikwakazwa nguwe, Bbarukki mwana waZabbayi wakabeleka changuzu mpawo wakabambulula chimwi chipanzi, kuzwa kuChitabilizyo chaMuduli kuyoosika kumulyango wang’anda ya-Eliyashibbu mupayizi mupati.
21 Nikwakazwa nguwe, Meremoti mwana wa-Urija mwana waHakkozi wakabambulula chimwi chipanzi, wakatalikila kumulyango wang’anda ya-Eliyashibbu kuyoosika kumamanino aang’anda ya-Eliyashibbu.
22 Nikwakazwa nguwe, bapayizi baalumi bamubbooma lyaJodani* bakabambulula muduli. 23 Nikwakazwa mbabo, Bbenjamini aHashabbu bakabambulula kunembo aang’anda yabo. Nikwakazwa mbabo, Azariya mwana waMaaseya mwana wa-Ananiya wakabambulula aafwiifwi ang’anda yakwe. 24 Nikwakazwa nguwe, Bbinuyi mwana waHenadadi wakabambulula chimwi chipanzi, wakatalikila kung’anda ya-Azariya kuyoosika kuChitabilizyo chaMuduli akuyoosika kukkona.
25 Nikwakazwa nguwe, Palali mwana wa-Uzayi wakabambulula kunembo aaChitabilizyo chaMuduli angazi iijisini aaNg’anda yaMwaami iili aajulu muLubuwa lwaMulindi. Nikwakazwa nguwe, kwakali Pedaya mwana waParoshi.
26 Alubo babelesi baatempele* bakali kukkala mu-Ofeli bakabambulula muduli mane baakusika kuGeedi lyaMaanzi nkulili kubuzwezuba akungazi yakali kwiindilila aamuduli.
27 Nikwakazwa mbabo, maTekkowa bakabambulula chimwi chipanzi kuzwa kunembo aangazi mpati yakali kwiindilila aamuduli kuyoosika kumuduli wa-Ofeli.
28 Bapayizi bakabambulula aajulu aaGeedi lyaMabbiza, umwi awumwi wakabambulula kunembo aang’anda yakwe.
29 Nikwakazwa mbabo, Zadokki mwana wa-Imeri wakabambulula kunembo aang’anda yakwe.
Nikwakazwa nguwe, Shemaya mwana waShekkaniya mulindi waGeedi lyakuBuzwezuba wakabambulula muduli.
30 Nikwakazwa nguwe, Hananiya mwana waShelemiya aHanuni mwana waZalafu wamusanu awumwi bakabambulula chimwi chipanzi.
Nikwakazwa mbabo, Meshulamu mwana waBberekkiya wakabambulula kunembo aang’anda yakwe mpati.
31 Nikwakazwa nguwe, Malikkija umwi wabasikupanga zintu zyangolida wakabambulula muduli kuyoosika kung’anda yababelesi baatempele* abasikuuzya, akunembo aaGeedi lyaKulangwa-langwa kuyoosika kukaanda kamujulu kakukkona.
32 Basikupanga zintu zyangolida abasikuuzya bakabambulula aakati kakaanda kamujulu kakukkona aGeedi lyaMbelele.