Hosiya
14 “O Israyeli, boola kuli Jehova Leza wako,
Nkaambo walebwa akaambo kachibi chako.
2 Amuboole kuli Jehova amajwi aaya,
Amwaambe makani aaya kulinguwe, ‘Ikaka tulekelele zibi zyesu alubo tambula zintu zibotu,
Tuzookutembawula amilomo yesu mbuli mbutwali kunoochita azipayizyo zyatupule twang’ombe.
3 Asiriya tazootuvuni pe.
Tatuzoowatanti pe mabbiza,
Alubo tatuzoowambi lubo pe kuti, “O Leza wesu!” kumilimu yamaboko eesu,
Nkaambo muchaala ufwidwa luzyalo akaambo kanduwe.’
4 Ndizooponia kutasyomeka kwabo.
Ndizooliyandila biya kubayanda,
Nkaambo bukali bwangu bwazwa kulinguwe.
5 Ndizooba mbuli lume* kuli Israyeli,
Uzoopasuka mbuli duba
Uzoosimpa miyanda yakwe mbuli minsamu yakuLebbanoni.
6 Tutabi twakwe tuzoovula,
Bubotu bwakwe buzooba mbuli bwamunsamu wamu-Olifa,
Akununkilila kwakwe kuzooba mbuli kwakuLebbanoni.
7 Bazookkala lubo mumweenzule* wakwe.
Bazoobyala zilyo alubo bazoosyuuka mbuli misaansa.
Mpuwo* yakwe izooba mbuli yawayini yakuLebbanoni.
8 Efremu uzoowamba kuti, ‘Ndizitoleyi biya ime zibumbwa?’
Ndizoomusandula mpawo ndimulange.
Ndizooba mbuli munsamu wamujunipa uufwefwema.
Uzoojana michelo yako kulindime.”
9 Ngwani musongo? Amvwisisisye zintu eezi.
Ngwani uuchenjede? Azizibe.
Nkaambo nzila zyaJehova zililuleme,
Alubo balulami bazooyenda mulinzizyo,
Pesi basizibi bazoolebwa mulinzizyo.