Levitikko

21 Jehova wakayinkilila kunembo kubuzya Mozesi kuti: “Ambuula aabapayizi, bana ba-Aroni ubabuzye kuti, ‘Taakwe weelede kulisofwaazya kwiinda mukuguma chidumbu chamuntu aakati kabantu bakulimbabo. 2 Pesi ulakonzya kuchita oobo kuli bbululu wakwe waafwiifwi mbuli banyina, wisi, mwana wakwe mulombe, mwana wakwe musimbi, mukulanaakwe naakuti mwanikaakwe 3 alubo ulakonzya kulisofwaazya kwiinda mukuguma muchizi wakwe uuchili nakalindu* uuli aafwiifwi anguwe, pesi uutanakwatwa pe. 4 Tayelede kulisofwaazya akuleka kusalala akaambo kamwanakazi wawumwi muntu aakati kabantu bakulimbabo. 5 Tabeelede kugela tunkulu pe naakuti kugela malezu aabo aamumbali naakuti kulinenguula aamubili. 6 Beelede kusalala kuli Leza wabo alubo tabeelede kusofwaazya zina lyaLeza wabo, nkaambo bapa zipo zyaJehova zitentwa aamulilo, chinkwa* chaLeza wabo alubo beelede kusalala. 7 Tabeelede kukwata wuule pe naakuti mwanakazi wakasofwaazigwa naakuti mwanakazi wakalekwa aamulumaakwe nkaambo mupayizi ulasalala kuli Leza wakwe. 8 Mweelede kumusalazya nkaambo nguwe weeta chinkwa chaLeza wanu. Weelede kusalala kulindinywe nkaambo ime ndiJehova nindili kumusalazya, ndilasalala.

9 “‘Kuti mwana musimbi wamupayizi walisofwaazya kwiinda mukuchita buwuule, usofwaazya wisi. Weelede kutentwa mumulilo.

10 “‘Mupayizi mupati aakati kabakulana naakuti kabanike bakwe, ooyo wakatilwa mafuta aakunanikwa aamutwe wakwe alubo wakasalwa kuti kazwaata zigogo zyamupayizi, tayelede kusiya masusu aakwe kaapulungene pe naakuti kudelula zigogo zyakwe. 11 Tayelede kuswena aafwiifwi achidumbu chamuntu pe.* Tayelede kulisofwaazya pe akaambo kawisi naakuti banyina. 12 Tayelede kuzwa aandawu iisalala alubo tayelede kusofwaazya ndawu iisalala yaLeza wakwe, nkaambo chitondeezyo chakulipeda, nkukwaamba mafuta aakunanika aaLeza wakwe ali aalinguwe. Ndime Jehova.

13 “‘Weelede kukwata mwanakazi uuchili nakalindu. 14 Tayelede kukwata mukamufu, mwanakazi wakalekwa, mwanakazi wakasofwaazigwa naakuti wuule, pesi weelede kukwata nakalindu aakati kabantu bakulimbabo. 15 Tayelede kusofwaazya bana bakwe aakati kabantu bakulimbabo nkaambo ime ndiJehova ndime nindili kumusalazya.’”

16 Jehova wakayinkilila kunembo kwaambuula aaMozesi kati: 17 “Buzya Aroni kuti: ‘Taakwe umwi wabana bako mumazyalani aabo woonse uuli aanchasolwaacho weelede kupa chinkwa chaLeza wakwe. 18 Kuti kakuli mwaalumi uuli aanchasolwaacho, tayelede kuswena aafwiifwi nkukwaamba, mwaalumi moofu naakuti uulemene naakuti uuli aabusyu bupambanikide naakuti uuli aakuboko naakuti kuulu kulamfu kwiinda kumwi, 19 mwaalumi uufuyukide kuulu naakuti kuboko, 20 uuli aantunda naakuti mufwiifwi* naakuti mwaalumi uulemene liso naakuti uuli aamabika naakuti uuli aazikuyu naakuti uupambanikide machende. 21 Taakwe mwaalumi uuzwa kubana ba-Aroni, mupayizi uuli aanchasolwaacho, weelede kuswena kuti ape zipo zyaJehova zitentwa aamulilo. Tayelede kuswena kuti azoope chinkwa chaLeza wakwe nkaambo uli aanchasolwaacho. 22 Ulakonzya kulya chinkwa chaLeza wakwe kuzwa kuzintu zisalalisya akuzintu zisalala. 23 Nikuba oobo, tayelede kuswena aafwiifwi akketeni alubo tayelede kuswena aafwiifwi achipayililo nkaambo uli aanchasolwaacho. Tayelede kusofwaazya ndawu iisalala nkaambo ndime Jehova uulikubasalazya.’”

24 Nkinkaako, Mozesi wakaambuula aa-Aroni abana bakwe ama-Israyeli woonse.