Malakki
4 “Nkaambo bona! bulikuza buzuba butenta mbuli bbibi lyamulilo aawo balisumpula abachita zibi nibazooba mbuli makuba. Kwaamba choonzyo, buzuba buzoobanyonyoona chakumaninina,” mbaamba Jehova wamakamu “alubo tabuzoobasiili muyanda nuuba mutabi. 2 Pesi inywe nimulemeka* zina lyangu, izuba lyabululami lizoobala aalindinywe, mitungazuba* yalyo inoosilika alubo muzoosotooka mbuli bana bang’ombe baneneede.”
3 “Alubo muzoolyatuuka basizibi, nkaambo bazooba mbuli lusuko kundyato zyanu mubuzuba nindizoobweza ntaamu,” mbaamba Jehova wamakamu.
4 “Amuyeeye Mulawu wamubelesi wangu Mozesi, malayilile ambeta nzindakalayilila kuHorebbu kuti ma-Israyeli boonse baziswiilile.
5 “Amubone! Ndilikutuma Elija mupolofita, buzuba bwaJehova bupati buyoosya kabutanasika. 6 Alubo uzooboozya myoyo yamawisi kubana amyoyo yabana kumawisi; kuchitila kuti nditasiki kuzoowuma nyika akwiinyonyoona.”
(Aawa mpawo aajinkila Magwalo aachiHebberu aachi-Aramu, kakutobela Magwalo aachiKkristu aachiGrikki)