Joshuwa
20 Mpawo Jehova wakati kuli Joshuwa: 2 “Buzya ma-Israyeli kuti: ‘Amulisalile myuunzi yakuyubila njindakaamba kulindinywe kwiinda muli Mozesi, 3 kuchitila kuti muntu wajaya mweenzinyina katakanzide naakuti kutali achaali* achijile nkuko. Myuunzi eeyo izooba mayubilo aanu kumuntu uuchija sikubweedezya mulandu waganzi. 4 Weelede kuchijila kuluumwi wamyuunzi eeyi akayimikile kugeedi lyamuunzi mpawo aambe kaambo kakwe kubaalu bamuunzi ooyo, bamupe ndawu yakukkala, akkale aambabo. 5 Kuti sikubweedezya mulandu waganzi wamwaandilila, tabeelede kubweza sikujaya ooyo bamubikke mumaboko aakwe nkaambo taakajaya mweenzinyina achaali* alubo taakali kumuzonda pe. 6 Weelede kukkala mumuunzi ooyo kusikila abetekwe kunembo lyambungano, weelede kukkala mumo kusikila mupayizi mupati uutanoobeleke mumazuba aayo azoofwe. Sikujaya ooyo mpimpawo mpakonzya kubweeda kumuunzi nkwaakachijide, anjile mumuunzi wakwe amung’anda yakwe.’”
7 Nkinkaako, bakasala Kkedeshi iili muGalili muchilawu chili aazilundu chaNafutali, Shekkemu iili muchilawu chili aazilundu cha-Efremu aKkiriyati-abba nkukwaamba Hebburoni iili muchilawu chili aazilundu chaJuda. 8 Muchilawu chaJodani, kubuzwezuba aaJerikko, bakasala Bbezeri iili munkanda muntandabale kuzwa kumusyobo waRubbeni, Ramoti iili muGiliyadi kuzwa kumusyobo waGadi aGolani iili muBbashani kuzwa kumusyobo waManase.
9 Eeyi njiyo myuunzi yakasalilwa ma-Israyeli boonse abeenzu bakali kukkala aakati kabo, kuchitila kuti kufumbwa muntu wajaya mweenzinyina katakanzide, achijile nkuko akuti atajayigwi aasikubweedezya mulandu waganzi katanabetekwa kunembo lyambungano.