Zakkariya
4 Ngilozi yakali kwaambuula aandime yakaboola yandibusya mbuli mbabusigwa muntu kuzwa kung’onzi. 2 Mpawo yakandibuzya kuti: “Ubweneenzi?”
Ndakati: “Ndibwene chibikkilo chamalambe chipangidwe aangolida ayilikke, chili aandido aajulu. Aalinchicho kuli malambe aali musanu aabili, iyi biya aali musanu aabili, malambe aayo aali aajulu aalinchicho ali aatupayipi tuli musanu atubili. 3 Kumbali lyacho kuli mi-olifa iibili, umwi ulikuchilisyo kwandido mpawo umwi ulikuchimweensi.”
4 Mpawo ndakabuzya ngilozi yakali kwaambuula aandime kuti: “O mwaami wangu, zintu eezi zyaambaanzi?” 5 Mpawo ngilozi yakali kwaambuula aandime yakabuzya kuti: “Tuzi pe kuti zintu eezi zyaambaanzi?”
Ndakasandula kanditi: “Tandizi pe, O mwaami wangu.”
6 Mpawo yakandibuzya kuti: “Ndeli jwi lyaJehova liya kuli Zerubbabbeli: ‘“Zintu eezi tazizoochitiki akaambo kankamu yamasooja pe, naakuti akaambo kamanguzu, pesi zizoochitika akaambo kamuuya wangu,” mbaamba Jehova wamakamu. 7 Nduweni biya iwe yoochilundu chipati? Uzooba nyika iiyalene* kunembo lyaZerubbabbeli. Mpawo uzooyeta bbwe lyaajulu kumwi bantu kabawompolola kabati: “Lyabota! Lyabota loko!”’”
8 Ijwi lyaJehova lyakandisikila lubo kaliti: 9 “Maboko aaZerubbabbeli ngawo aabikka ntalisyo yang’anda eeyi, alubo maboko aakwe ngawo aatazoomaninsye kwiiyaka. Mpawo inywe muzooziba kuti Jehova wamakamu nguwe wandituma kulindinywe. 10 Nkaambo ngwani wanyansya buzuba bwamatalikilo aazintu ziniini? Nkaambo bazoosekelela nibazoobona ntambo yakweelanisya iili mukuboko kwaZerubbabbeli. Aaya aali musanu aabili, meso aaJehova aayo aali kulanga-langa koonse-koonse munyika yoonse.”
11 Mpawo ndakabuzya kulinjiyo kuti: “Yaambaanzi mi-olifa eeyi iibili, uuli kuchilisyo awuli kuchimweensi kwachibikkilo chalambe?” 12 Ndakabuzya lubo kulinjiyo kachibili kuti: “Twiimininaanzi tutabi* tubili twami-olifa tuli kutila mafuta aamusyobo wangolida aalikwiinda mutupayipi twangolida tubili?”
13 Mpawo yakandibuzya kuti: “Tuzi pe kuti zintu eezi zyaambaanzi?”
Ndakasandula kanditi, “Tandizi pe, O mwaami wangu.”
14 Yakati: “Aaba mbananikidwe babili aabo bayimvwi kumbali aaMwaami wanyika yoonse.”