Makani aakalembwa aaMakko
16 Sabata niyakayinda, Mariya Magadalina, aMariya banyina aaJakkobo, aSalomi bakawula tununkilizyo kuchitila kuti bayinkaato bakaakunanike mubili wakwe. 2 Mpawo kuseeni loko, mubuzuba bwakusaanguna bwamviki, bakasika kukabanda* zuba kalili lyazwa. 3 Bakali kubuzyania kuti: “Ngwani uutatukunkulisizye bbwe lili aamulyango wakabanda?” 4 Pesi nibakalanga, bakabona kuti bbwe lyakali lyakunkulisigwa kale, nikuba kuti lyakali pati loko. 5 Nibakanjila mukabanda, bakabona mulombe wakakkede kubbazu lyachilisyo, kazweete zigogo zilamfu zituba mpawo bakayoowa loko. 6 Wakati kulimbabo: “Mutayoowi pe. Mulikuyanduula Jesu wakuNazareta, ooyo wakagankaminwa aachisamu. Wakabusigwa. Tawo pe aano. Amubone, aawa mpimpawo mpubakamulazikide. 7 Pesi amwiinke mukabuzye basikwiiya bakwe aPetro kuti, ‘Lino ulamusaangunina kusika kuGalili. Muyoomubona nkukooko mbuli mbaakamubuzizye.’” 8 Nkinkaako, bakazwa mukati mpawo bakachija kabazwa aakabanda kabali kuzazama alubo kabayoowede. Alubo taakwe muntu ngubakabuzya zintu eezi nkaambo bakaliyoowede.*