CHIIYO 15

Aapandululwa Chakutazumbuuzya

1 BaTesalonika 1:5

CHIFWIINSYO: Tondeezya kuti nzulikwaambuula nzyakasimpe akuti zilayandikana.

Libambile kabotu. Libambile nkani yako kusikila utuzibe twaambo tupati akubona kuti Bbayibbele litondeezya biyeni kuti ntwakasimpe. Yezya kupandulula twaambo tupati mumajwi mache, aamvwisisika. Bona mbutukonzya kugwasya baswiilizi. Komba kukumbila muuya uusalala.

Pulakitizya makani aako kulikwaambwiida aajulu kuchitila kuti umvwisisisye twaambo tupati akuti waambuule munzila iibasika aamoyo baswiilizi.
Belesya majwi aatondeezya kuti nzulikwaambuula nzyakasimpe. Muchiindi chakwiindulula makani aalembedwe, belesya majwi aako. Belesya majwi aatondeezya kuti uli aachoonzyo atala anzulikwaamba.
Wamba munzila iitondeezya kuti uli aachoonzyo alubo iisika aamoyo. Wambuula mujwi limvwikka. Balange kumeso baswiilizi kuti kazitapi kuti babe abweeme.

Utabonaanga kwaambuula munzila iitondeezya kutazumbuuzya kwaamba kuba mumvwa zyakwe, kutalemeka naakuti kusinikizya bantu. Nikuba chiindi nwaambuula makani aazikitide, wambuula munzila iitondeezya kuti uli aaluyando kubaswiilizi.