Ndakeelela Na?
Ndakeelela Na Kukambawuka Aabamwi Bamumbungano?
Ulakonzya kweelela kuba sikupupulula uutanabbabbatizigwa kuti . . .
Kukkala kubala Bbayibbele, kukomba akunjila miswaangano.
Kuziyanda alubo kuzisyoma nzulikwiiya akubuzya bamwi atala anzizyo.
Kuyanda Jehova akusala beenzinyokwe aakati kabantu bamuyanda.
Wazwa mulizyapolitikisi amuchikombelo chakubeja.
Wapona kweendelana azyeelelo zyaJehova akuba aachiyandisyo chakuba Kamboni waJehova.
Kuti wamvwa kulaachiyandisyo chakukambawuka aabamwi bamumbungano, muntu uukuyiisya Bbayibbele uyoochita mabambe aakuti mukaambuuzyanie aabaalu atala azintu nzweelede kuchita kuti weelele.
Ndakeelela Na Kubbabbatizigwa?
Ulakonzya kweelela kubbabbatizigwa kuti . . .
Koli sikupupulula uutanabbabbatizigwa.
Kutola lubazu mumulimu wakukambawuka.
Kuswiilila malayilile ngitupegwa ‘aamuzike uusyomeka alimwi uucenjede.’—Matayo 24:45-47.
Koli wakalipeda kuli Jehova kwiinda mukukomba kulikumubuzya kuti uyanda kumukomba kwabuumi bwako boonse.
Kuti walimvwa kuti weelela kuti ubbabbatizigwe, muntu uukuyiisya Bbayibbele uyoochita mabambe aakuti mukaambuuzyanie aabaalu atala azintu nzweelede kuchita kuti weelele.