Mibuzyo Yabasikubala

Kuti muntu wachaalumi awachanakazi batakwetene balala mung’anda iimwi kakutakwe twaambo twapa kuti bachite oobo, banooli babisya na alubo zipa kuti kupangwe kkomiti yakubeteka na?

Iiyi, kuti kakutakwe kaambo kapa kuti bachite oobo alubo kkomiti yakubeteka yeelede kupangwa nkaambo nzibachita zitondeezya antanganana kuti bachita bwaamu.—1 Kor. 6:18.

Kabunga kabaalu keelede kulanga-langa makani aaya akubona kuti kuleelela na kuti kupangwe kkomiti yakubeteka. Muchikozyano, bantu aaba balayandana na? Kuli nibakali bapegwa lulayo na atala ambubachita kuti kabalaamwi? Niinzi chakapa kuti bamaninsye kabalala mung’anda iimwi? Bakabambide biya na kuti bachite oobo? Kuli nzibakali kukonzya kuchita na naakuti kulizimwi zyakachitika kabatayeeyelede zyakapa kuti bamaninsye kabalala mung’anda iimwi? (Muk. 9:11) Bakalala kuli? Akaambo kakuti zyiimo zilisiyene nkinkaako kuli tumwi twaambo baalu ntubakonzya kulanga-langa.

Kabunga kabaalu nikamaninsya kulanga-langa makani aaya, keelede kubona kuti kuleelela na kuti kupangwe kukkomiti yakubeteka.