Kuti Zintu Zyayuma

Muchikozyano, umwi mwanakazi uutegwa Sallya wakuUnited States, wakanyonyookelwa zintu zyakwe akaambo kaguwo pati, wakaamba kuti: “Buumi bwakandiyumina zyakuti ndakali kuyeeya kuti tandikookonzya pe kuzunda buyumu-yumu mbundakali aabo.”

Bumwi buyumu-yumu mbutukonzya kuswaana, nkufwidwa muntu ngutuyandisya. Janice wakuAustralia wakaamba kuti: “Chiindi nindakafwidwa aabana bangu balombe boonse, wakandichisa moyo zyakuti ndakabona kuti kulikabotu kufwa kwiinda kupona. Ndakakumbila kuli Leza kuti andijeye luzutu!”

Chimwi chikozyano nchicha Daniel wakakataazikana chiindi mwanakazi wakwe naakatasyomeka mulukwatano. Wakapandulula kuti: “Chiindi mwanakazi wangu naakazumina kuti taakali kusyomeka moyo wakachisa zyakuti kwakali kubaanga kuli muntu ulikundiyasa kafulo. Kuchisa ooku kwakanditolela myeezi myiingi.”

Magazini eeyi iyootugwasya kubona kuti buumi nga buchigwasya nikuba kuti

• Kwachitika mapenzi aalichitikila

• Twafwidwa

• Ngutukwetenaawe taasyomeka mulukwatano

• Wachiswa

• Buumi bwayuma

Kwalino, atubone kuti kujana twachita biyeni kuti kwachitika mapenzi aalichitikila?