Kuyungizya Luzibo Lwesu Mumulimu Wakukambawuka​—Kugwasya Bantu Mbitwiiyaabo Bbayibbele Kuti Balipede Alimwi Babbabbatizigwe

NKAMBOONZI NIKUYANDIKANA: Bantu mbitwiiyaabo Bbayibbele beelede kupeda buumi bwabo kuli Jehova alimwi babbabbatizigwe kuti batambulike kuli nguwe. (1Pet 3:21) Bantu bapona kweendelana akulipeda kwabo bajana kukwabililwa muzintu zyabukombi. (Int 91:1, 2) MaKristu alipeda kuli Jehova kutali kuluumwi muntu, kuluumwi mulimu naa kuliimwi mbunga. Nkinkaako bantu mbitwiiyaabo Bbayibbele beelede kuyanda Leza akumulumba.—Rom 14:7, 8.

MBUKONZYA KUZICHITA:

• Chiindi nimuliikwiiya, tondeezya kuti nzimuliikwiiya ziyubununaanzi atala aJehova. Musungwaazye kubala Bbayibbele buzuba abuzuba akukomba “cakutaleka.”—1Tes 5:17; Jak 4:8

• Sungwaazya muntu ngwiiyaawe Bbayibbele kuti abaa zipeekezyo zyakumuuya ziswaanizya kulipeda akubbabbatizigwa. Alimwi mugwasye kuti abaa zimwi zipeekezyo ziyandikana ziswaanizya kusandula kumiswaangano naa kukambawukila mbayakilene aabo abantu mbabelekaabo. Utalubi kuti Jehova tasungilizyi bantu kuti bamukombe. Nkinkaako kulipeda nkulisalila kwamuntu.—Dt 30:19, 20

• Sungwaazya muntu ngwiiyaawe Bbayibbele kuti achinche maponeno aakwe kuchitila kuti ayande Jehova alimwi ayelele kubbabbatizigwa. (Tus 27:11) Chimwi chiindi muntu ngutwiiyaawe Bbayibbele uyanda kunoogwasigwa kuti azwaatunune buntu bukulukulu akuzwaata buntu bupya akaambo kakuti imwi michito ilakataazya kuleka. (Ef 4:22-24) Amwaambuuzyanie atala azibalo zijanika mu Watchtower zilamutwe utii “The Bible Changes Lives”

• Mubuzye kubotelwa nkwakajana akaambo kakukomba Jehova.—Is 48:17, 18