Sala Kukomba Jehova

Kuti kuli sikupupulula uuchikula uutanabbabbatizigwa naakuti uli kwiiya Bbayibbele aBakamboni baJehova, kuli nunga wayeeya kuzoobbabbatizigwa na? Nkamboonzi niweelede kubbabbatizigwa? Kulipeda akubbabbatizigwa kupa kuti ube aabweenzinyokwe bulikabotu aJehova. (In 91:1) Alubo kupa kuti ukafutuke. (1Pe 3:21) Nziizili zintu nzweelede kuchita kuti uzoobbabbatizigwe?

Weelede kulibonena awulikke kuti uli mukasimpe. Kuti kutali kumvwisisisya imwi nkani, weelede kuyanduulisisya. (Ro 12:2) Lilange-lange kuti ubone mpuyelede kubambulula mpawo ubambulule kulaamakanze aakuti ubotezye Jehova. (Tu 27:11; Ef 4:23, 24) Weelede kukkala kukomba kuli Jehova kukumbila kuti akugwasye. Baachoonzyo chakuti Jehova uyookusimya akukugwasya kabelesya muuya wakwe uusalala. (1Pe 5:10, 11) Kuti wachita zyoonse eezi, uyoobona kuti wakabelekela ziliwo. Kuti wasala kubelekela Jehova mubuumi bwako tukalisoli pe!—In 16:11.

AMWEEBELE KAVIDIYO KATII, NZWEELEDE KUCHITA KUTI UBBABBATIZIGWE, KUZWA WAAWO, MUSANDULE MIBUZYO IITOBELA:

• Ngaali mapenzi ngibakazunda bamwi kuti bakonzye kubbabbatizigwa?

• Niinzi nzweelede kuchita kuti ube aabweenzinyokwe busimide aJehova kuchitila kuti ulipede kulinguwe?

• Niinzi zyakagwasya bamwi kuti babweze ntaamu iiyandikana yakuti bakonzye kubbabbatizigwa?

• Bantu basala kukomba Jehova bajana zilongezyo zili?

• Kulipeda akubbabbatizigwa zyaambaanzi?