Mbutukonzya Kutondeezyania Luyando

Toonse tuli mpuli iimwi nkaambo twakazwa kuli Adamu. Nikuba kuti mumpuli bantu balangililwa kuti kabalemekana akutondeezyania luyando, mazubaano teenzizyo pe zilikuchitika. Pesi eezi teenzizyo pe nzyayanda Leza.

ZYAAMBWA AAMAGWALO ATALA ALUYANDO

“Weelede kuyanda mweenzinyoko mbubonya mbuli mboliyanda omwini.”​—LEVITIKO 19:18.

“Amuzumanane kuyanda basinkondonyoko.”​—MATAYO 5:44.

CHAAMBAANZI KUYANDA BAMWI?

Atubone Leza mbwapandulula mbulubede luyando muli 1 Bakorinto 13:4-7:

“Luyando lulakkazika moyo alimwi lulaaluzyalo.”

Zyakuyeeyesesya: Ulimvwa biyeni kuti bamwi bakutondeezya moyo mulamfu akukufwida luzyalo chiindi nwaababisizya?

“Luyando talukwe munyono.”

Zyakuyeeyesesya: Ulimvwa biyeni kuti bamwi bakuchitila bbivwe?

Luyando “talubikkili buyo maano kuzintu nzyoluyanda.”

Zyakuyeeyesesya: Ulimvwa biyeni chiindi bamwi nibakuswiilila nwaamba maboneno aako?

Luyando “talubikkilili.”

Zyakuyeeyesesya: Leza ulabalekelela kazizwa aansi aamoyo bantu bakaleka kuchita zintu zitamubotezyi. “Tatuyandawidi tumpenda ciindi coonse, nokuba kutubikkilila.” (Intembauzyo 103:9) Tulabotelwa kuti muntu ngutwabisizya watulekelela. Nkinkaako, andiswe tweelede kulibambila kulekelela bamwi chiindi nibatubisizya.​—Intembauzyo 86:5.

Luyando “talukkomanini kutalulama.”

Zyakuyeeyesesya: Kuti twachitikilwa zintu zitali kabotu, tatulangilili kuti bamwi babotelwe kuti twanjila mupenzi. Andiswe tatweelede kubotelwa kuti bamwi banjila mumapenzi nikuba kuti bakatuchitilide zintu zitali kabotu.

Kuti tukajane zilongezyo Leza nzyatubambilide, tweelede kuyanda bantu boonse katutasali kuti bali biyeni. Tulakonzya kuzichita eezi kwiinda mukugwasya bantu bayanda lugwasyo.