1. Leza Ngutweetela Mapenzi Na?

Nkamboonzi Nitweelede Kuziba?

Bantu biingi tabamuyandi pe Leza nkaambo babonaanga nguwe utweetela mapenzi.

Nzweelede Kuyeeya

Munzila zisiyene-siyene, bapati bazikombelo bayiisya kuti Leza ngutweetela mapenzi. Muchikozyano, bamwi baamba zitobela:

• Leza utupanicha kabelesya mapenzi aalichitikila.

• Bana balafwa kuchitila kuti Leza ayungizye bangelo kujulu.

• Leza utola lubazu munkondo eezyo zilikupa kuti kube mapenzi miingi loko.

Eezi zyaamba kuti bapati bazikombelo bayiisya zintu zyakubeja na atala aLeza? Zilachita na kuti tusyome nzibaamba kakuli nzila njibamukombaayo tayiyandi pe?

Nzilyaamba Bbayibbele

Leza teenguwe pe uutweetela mapenzi pe.

Kuti kakuli nguwe utweetela mapenzi, nga zyakazyania abuntu bwakwe bwaambwa muBbayibbele. Muchikozyano:

“Nzila [zyaLeza] zyoonse zililuleme. . . . Uliluleme alimwi uliluzi.”​—DEUTERONOMO 32:4.

“Leza mwini-mwini takonzyi kucita bubi nokuceya, alimwi Singuzuzyoonse takonzyi kubisya pe!”​—JOBU 34:10.

“Singuzuzyoonse tanyonganyi bululami.”​—JOBU 34:12.

Leza taziyandi pe zikombelo ziyiisya zyakubeja atala anguwe.

Eezi ziswaanizya zikombelo ziyiisya kuti Leza nguwe uutweetela mapenzi azitola lubazu munkondo.

“Nzyakubeja eezyo basinsimi nzyobasinsima muzina lyangu [lyaLeza]. Kunyina nendabatuma, nokuba kubalailila naa kubaambila pe. Nobasinsima kulindinywe, bamwaambila cilengaano cakubeja . . . alimwi alweeno lwamumyoyo yabo beni.”​—JEREMIYA 14:14.

Jesu wakazikaka zikombelo zyakubeja.

“Tabali boonse bandiita kuti ‘Mwami, Mwami,’ ibayoonjila mu Bwami bwakujulu, pele buyo ooyo uucita kuyanda kwa Taata uuli kujulu. Mubuzuba oobo, bantu banji bayoondaambila kuti: ‘Mwami, Mwami, sena tiitwakasinsima muzina lyako, kutanda madaimona muzina lyako akucita milimo mipati minji muzina lyako?’ Pele mebo ndiyoobaambila kuti: ‘Tiindakamuzyi pe! Amuzwe kulindime, nywebo nobasimucita zibi!’”​—MATAYO 7:21-23.