2. Ndiswe Tulyeetela Mapenzi Ngituswaana Na?

Nkamboonzi Nitweelede Kuziba?

Kuti kakuli ndiswe tulyeetela mapenzi, chaamba kuti tulakonzya kwaachesya.

Ubonaanga bantu bajatikizigwa biyeni mumapenzi aali aansi aawa?

Kutajatwa Kabotu

Kabunga kaWorld Health Organization (WHO) kayeeyela kuti muntu uumwi aakati kabali 4 teebakajatwa kabotu pe kabali baniini. Alubo mwanakazi uumwi aakati kabatatu wakapenzegwa naakuti kuvumpilwa mubuumi bwakwe.
Kuusa akaambo kakufwidwa

World Health Statistics yamu 2018 yakapupululwa akabunga kaWHO yakatondeezya kuti kuyeeyelwa kuti mu2016 kwakajayigwa bantu basika ku477 000. Alubo kuyeeyelwa kuti bantu bali 180- 000 bakafwa akaambo kankondo mumunyaka nguyooyu.
Kuchiswa

Magazini yaNational Geographic yakalembwa aaFran Smith yakati: “Bantu bayinda kubbiliyoni balafwepa alubo polya uli aakati kazintu zili 5 zijeya loko. Polya upa kuti muntu abe abulwazi bwamoyo, stroke, kutayoya kabotu, kkensa yamumapunga (mapupwa) aamwi malwazi.”
Kusalulaana

Syaabusongo Jay Watts wakati: “Bantu balasaluulwa akaambo kakufwaba, musyobo wabo, mbanakazi naakuti baalumi, kulonzegwa naakuti kulangililwa aansi akaambo kamusyobo wabo. Eezi zipa kuti bakataazikane mumizeezo.”

YIYA ZYIINGI

Yebela kavidiyo kategwa Nkamboonzi Leza Naakalenga Nyika? aa jw.org.

Mapenzi miingi ngituli kuswaana ayetwa aabantu

Mapenzi miingi aaya ayetwa aamfulumende zidyaaminina bantu alubo zipa kuti buumi bubayumine mbibalyaamba kuti balabeendelezya

“Muntu nayendelezya muntunyina munzila iimuletela mapenzi.”—MUKAMBAUSI 8:9.

Mapenzi alakonzya kuchesegwa

Malayilile aali muBbayibbele alatugwasya kuti tukkale katuli aamibili iisimide akuti tukkale muluumuno abamwi.

“Moyo uukkede upa buumi kumubili, pele munyono upa kuti mafwuwa abole.”—TUSIMPI 14:30.

“Amuzisowe zintu zyoonse eezyi, kulutila, bukali, kunyema, kubwenta alimwi amajwi aakusampaula antoomwe abubi buli boonse.”—BAEFESO 4:31.