3. Nkamboonzi Bantu Bachita Zibotu Nibaswaanana Amapenzi?
Nkamboonzi Nitweelede Kuziba?
Kubonekaanga takuli kabotu pe kuti bantu bachita zilikabotu kabaswaanana amapenzi. Alubo zipa kuti bamwi babone kuti takugwasyi kuchita zibotu nkaambo nga bazooswaanana amapenzi.
Nzweelede Kuyeeya
Bamwi bantu basyoma kuti, kuti muntu wafwa nga wazoozyalwa lubo. Baamba kuti bantu bakachita zilikabotu nga bazoopona buumi bulikabotu pesi bantu bakachita zibi nga bazooswaanana amapenzi mubuumi bwabo nibazyalwa lubo. Kweendelana anzibasyoma, nikuba muntu uchita kabotu lino ulakonzya kuswaanana amapenzi kuti kali wakachita zibi chiindi. Nikuba boobo . . .
Mapenzi aaya taagwasyi pe nkaambo muntu wazyalwa lubo takonzyi pe kuyeeya zintu nzyaakali kuchita chiindi.
Nkamboonzi nitubeleka changuzu kuti tukkale katutachiswi akulikwabilila kungoozi kuti katuswaanana amapenzi akaambo kazibi nzitwakali kuchita chiindi?
YIYA ZYIINGI
Yebela kavidiyo kategwa Nkamboonzi Leza Nazumizya Bubi aMapenzi? aa jw.org.
Nzilyaamba Bbayibbele
Leza tatweeteli mapenzi kayanda kutupanicha pe
Kusiyana azeezi, amwi mapenzi aba akaambo kakuti muntu waba abusena butali kabotu aachiindi chitali kabotu.
“Ndabona kuti talili lyoonse [bachijana loko] nobazunda [mumuzundano], basinguzu talili lyoonse nobazunda munkondo, basongo talili lyoonse nobajana cakulya, bacenjede talili lyoonse nobajana lubono, abalo aabo bajisi luzyibo talili lyoonse nobazwidilila, nkaambo boonse buyo balasikilwa ziindi zyamapenzi akucitikilwa zintu zitalangilwi.”—Mukambausi 9:11
Chibi nchitulaacho chipa kuti tuswaanane amapenzi
Bantu babelesya bbala lyakuti “chibi” kwaamba michito mibi ichitwa awumwi muntu. Pesi Bbayibbele libelesya bbala eeli kwaamba buntu mbubakakona, bantu bachita kabotu abachita zibi mbubalaabo.
“Ndakazyalwa kandijisi mulandu, alimwi ndili sizibi kuzwa ciindi baama nobakandimita.”—INTEMBAUZYO 51:5, Makani aamunsi.
Chibi eechi chipa kuti bantu baswaanane amapenzi
Teechakapambanisya bweenzuma buli kabotu mbutwakali aabo aMulengi wesu luzutu pesi chakapa kuti tutakkali kabotu azilenge zyaLeza zyoonse. Eezi zyapa kuti munyika kube mapenzi miingi, alubo bantu boonse bali kuswaanana aawo.
“Ciindi nendiyanda kucita cibotu, icibi cilaandime”—BAROMA 7:21.
“Zilenge zyoonse zilatongela lyoonse alimwi zilaamacise caantoomwe.”—BAROMA 8:22.