Ziba Choonzyo
Penzi
Bantu biingi basaluula bamwi akaambo kakuti bakamvwa makani aatali kabotu. Bona zikozyano zitobela:
Bamwi bantu banjizya milimu basyoma makani atali ngawo aakuti banakazi tabakonzyi pe kubeleka milimu iiyanda kubelesya maanu loko.
Kuzwa kuma500 kaziya kuma 1500 C.E. kuEurope, maJuda bakali kutamikizigwa kuti bakabikka poyizeni muzikala akutabukizya malwazi. Muchiindi chamaNazi, maJuda bakabejelezegwa lubo kuti bakali kupa kuti Germany itazwidilili pe muli zyabunoti. Eezi zyakapa kuti maJuda basaluulwe loko alubo bachisaluulwa ambuli sunu.
Bantu biingi basyoma makani atali ngawo aakuti muntu mulema tabotelwi pe.
Bantu basyoma makani aaya aakubeja nga bayanduula zikozyano naakuti bumboni bupa kuti basumpule nzibasyoma. Alubo bayeeya kuti muntu utazuminani aambabo nga takwe luzibo pe.
Nzilyaamba Bbayibbele
“Muntu uutajisi luzyibo tali kabotu pe.”—TUSIMPI 19:2.
Zyaambaanzi? Kuti kutazi makani achoonzyo ulakonzya kutasala kabotu. Kuti wasyoma makani aakubeja kutali achoonzyo ulakonzya kusaluula bantu.
Mbukugwasya Kuziba Makani Aachoonzyo
Kuti waziba makani aachoonzyo atala awumwi musyobo wabantu tukoowasyoma pe makani aakubeja aambwa atala ambabo. Kuti waziba kuti makani ngwaakabuzigwa atala awumwi musyobo ngakubeja, zilapa kuti utaasyomi pe makani atali kabotu atala ayimwi misyobo.
Nzweelede Kuchita
Utalubi kuti zintu zitali kabotu zyaambwa atala awumwi musyobo wabantu tazyaambi kuti boonse bantu bamusyobo ooyo mbubabede.
Zumina kuti teezyoonse pe nzuzi atala awumwi musyobo.
Yanduula makani achoonzyo.