Tondeezya Bamwi Luyando

Penzi

Muuya wakusaluula tufwambaani pe kuzwa mumoyo. Mbuli bulwazi mbubutola chiindi kuti buzwe, muuya wakusaluula uyanda kuti tubeleke changuzu kuti umane. Niinzi nzweelede kuchita kuti ugwisye muuya wakusaluula mumoyo wako?

Nzilyaamba Bbayibbele

Chifanikisyo: 1. Mwaalumi wakuAsia ulikujulila mwaalumi uusiya unyampwide coffee kkoma. 2. Mwaalumi uusiya ulikupa bantu mbabelekaabo coffee kuswaanizya amwanakazi wakuIndia waambwa musule.

“Amulisamike luyando, nkaambo ncecaanzyo calukamantano cilondokede.”—BAKOLOSE 3:14.

Zyaambaanzi? Kuchitila bamwi zintu zibotu kupa kuti mumvwanane. Kutondeezya bamwi luyando kupa kuti utabasaluuli. Alubo kuti kuyanda bamwi, tukoobazonda pe.

Nzweelede Kuchita

Yeeya zintu nzukonzya kuchita zitondeezya kuti ulabayanda bantu bazwa mukabunga nkuyeeyela zintu zitali kabotu. Utalangilili kubachitila zintu zyiingi pe. Ulakonzya kuchita chimwi naakuti zimwi zyazintu zili aansi aawa:

Kuti wachita nikuba tuntu tuniini tutondeezya kuti ulabayanda, zipa kuti kusaluula kumane.

Chifanikisyo: 1. Mwanakazi mukuwa uuchembeede ulikugwasigwa amwanakazi wakuIndia kutanta masteps azintu nzyaazwa kuula. 2. Mwanakazi mukuwa uuchembeede ulikupa simayakilane wakwe, mwaalumi wakuAsia waambwa musule zibbekkedwe.

Muchitile zintu zili kabotu muntu wamusyobo ooyo kwiinda mukumujulila mulyango naakuti kumupa chuuno kuti mwagada aamwi.
Yezya kwaambuula aabo nikuba kabatawaambuuli kabotu mulaka wako.
Ba amoyo mulamfu kuti bachita zintu nzutamvwisisisyi.
Bafwide luzyalo kuti baambuula mapenzi aabo.