Uyeeya Kuti Mazuba Alikunembo Anooli Biyeni?
Ino nyika yesu . . .
inooli mbuli mbiibede na?
iyooyindilila kubija na?
iyoobota na?
NZILYAAMBA BBAIBBELE
“Leza . . . uyoosindula misozi yoonse kumeso aabo, alimwi lufwu talukooyoobako limbi, akwalo koomoka, kulila nokuba kucisa takukooyoobako limbi. Zyintu zyakaindi zyamana.”—Ciyubunuzyo 21:3, 4, Busanduluzi bwa Nyika Mpya.
NCIZYAAMBA KULI NDUWE
Kuba amulimu ulaampindu alimwi ubotezya.—Isaya 65:21-23.
Malwazi amafwabi ayoomana oonse.—Isaya 25:8; 33:24.
Uyooba abuumi bubotu, butamani abamumpuli yako antoomwe abenzinyokwe.—Intembauzyo 37:11, 29.
KUJANA TWAZISYOMA NA COONZYO NZILYAAMBA BBAIBBELE?
Iiyi, akaambo katwaambo tubili:
Leza ulamanguzu akuzuzikizya zisyomezyo. IBbaibbele lyaamba kuti Jehova Leza alikke “nguSinguzuzyoonse,” akaambo kamanguzu akwe atagoli. (Ciyubunuzyo 15:3) Akaambo kaako ulakonzya kubamba cisyomezyo cakwe cakucinca nyika yesu kuti ibote. IBbaibele lyaamba kuti, “zintu zyoonse zilakonzeka kuli-Leza.”—Matayo 19:26.
Leza ulaa ciyandisyo cakuzuzikizya zisyomezyo. Mucikozyanyo, Jehova ulaaciyandisyo cakubusya bantu bakafwa.—Jobu 14:14, 15.
Alimwi Bbaibbele litondezya kuti Jesu Mwana waLeza, wakaponya bakali kuciswa. Nkamboonzi nakacita oobo? Nkaambo wakalaa ciyandisyo. (Marko 1:40, 41) Cakumaninina, Jesu wakatondezya buntu bwaWisi akaambo kaciyandisyo cakwe cakugwasya bakali kufwaba.—Johane 14:9.
Aboobo tulamasimpe kuti Jehova antoomwe aJesu bayanda kutugwasya ikuti tukajane buumi bubotu bwakunembo!—Intembauzyo 72:12-14; 145:16; 2 Petro 3:9.
NZYONGA ULAYEEYA
Leza uyooyicinca biyeni nyika eeyi kuti ikabote?
Mubuzyo ooyu ulasandulwa muBbaibbele muli MATAYO 6:9, 10 amuli DANIELE 2:44.